ខេត្តស្វាយរៀង៖ តាមការស្នើរសុំរបស់បងប្អូនប្រជាពលរដ្ឋ រដ្ឋបាលឃុំសំបួរបាន រៀបចំ គម្រោងអភិវឌ្ឍន៏របស់មូលនិធិឃុំ ឆ្នាំ២០២៣ បានស្ថាបនាផ្លូវចាក់បេតុងសសៃដែក ដែលមានប្រវែងជាង៨០០ម៉ែត្រដែលឆ្លងកាត់២ភូមិ មានភូមិប្រាសាទនិងភូមិ ត្មាតពងស្ថិតក្នុងឃុំសំបួរស្រុករមាសហែក។
ជាក់ស្ដែងនាព្រឹក ថ្ងៃទី១៧ ខែកក្កដា ឆ្នាំ២០២៣
លោក ស៊ូ ម៉ុល អភិបាលស្រុករមាសហែក
បានអញ្ជើញជួបសំណេះសំណាល ជាមួយបងប្អូនប្រជាពលរដ្ឋ ព្រមទាំងបើកកាដ្ឋាន ស្ថាបនាផ្លូវចាក់បេតុងសសៃដែក ដែលមានប្រវែងជាង៨០០ម៉ែត្រដែល ឆ្លងកាត់ចំនួន២ភូមិ មានភូមិប្រាសាទនិងភូមិ ត្មាតពង ស្ថិតក្នុងឃុំសំបួរស្រុករមាសហែក។
ក្នុងឪកាសនោះ លោក ស៊ូ ម៉ុល បានធ្វើការផ្ដាំផ្ញើសាកសួរសុខទុក្ខនឹងនឹករលឹកពីសំណាក់សម្ដេចកិត្តិសង្ហបណ្ឌិតម៉ែនសំអន ប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង លោកម៉ែនវិបុល អភិបាលខេត្តស្វាយរៀងក៏ដូចជា លោក សៅ សុខា ប្រធាន ក្រុមការងាររាជរដ្ឋាភិបាលចុះមូលដ្ឋានស្រុករមាសហែក ដល់ពុកម៉ែ បងប្អូនប្រជាពលរដ្ឋដែលបានចូលរួមនាពេលនេះផងដែរ។
លោក ស៊ូ ម៉ុល ជំរុញអោយអាជ្ញាធរគ្រប់ឃុំទាំង១៦ ក្នុងស្រុករមាសហែក បន្តការខិតខំអនុវត្តន៍គោលនយោបាយភូមិឃុំ មានសុវត្ថិភាពទាំង៧ចំណុច ជូនបងប្អូនប្រជាពលរដ្ឋពិសេសបានធ្វើការផ្តាំផ្ញើរដល់មន្រ្តី មេឃុំ ស្មៀន លោកនាយប៉ុស្តិ៍ មណ្ឌលសុខភាព និងមេភូមិ ដែលជាអ្នកដើរតួនាទីយ៉ាងសំខាន់ និងជាអ្នកដោះស្រាយនូវសំណូមពរ និងការផ្តល់សេវាសាធារណៈជូនដល់ប្រជាពលរដ្ឋនៅមូលដ្ឋាន ទាំងនេះគឺត្រូវរួមគ្នាប្រឹងប្រែងដោះស្រាយជូនគាត់ ឲ្យបានទាន់ពេលវេលា ។
លោកក៏បានណែនាំដល់បងប្អូនពលរដ្ឋថា ពេលបានផ្លូវងាយស្រួលធ្វើដំណើរ ហើយសូមចូលរួមថែរក្សាទាំងអស់គ្នា ព្រោះផ្លូវទាំងនេះជារបស់យើងទាំងអស់គ្នា មិនរបស់បុគ្គលណាម្នាក់ឡើយហើយចំពោះអ្នកម៉ៅការផ្លូវនេះសូមធ្វើអោយមានគុណភាពនិងត្រូវតាមលក្ខណះបច្ចេកទេសពិសេសសូមឱ្យអ្នកប្រើប្រាស់ផ្លូវចូលរួមគោរពច្បាប់ចរាចរណ៍។
បន្ទាប់មកលោកអភិបាលស្រុក ក៏បានផ្ដាំផ្ញើរដល់បងប្អូនប្រជាពលរដ្ឋដែលមានអត្តសញ្ញាប័ណ្ណរបស់ខ្លួនហួស សុពលភាពសូមអញ្ជើញប្រញាប់មកធ្វើថ្មីនិងពុកម៉ែបងប្អូនចាស់ក្មេងបន្តនាំគ្នាមកចាក់វាក់សាំងទាំងដូសមូលដ្ឋាននិងដូសជំរុញនិងអញ្ជើញទៅចូលរួមបោះឆ្នោតនាថ្ងៃអាទិត្យ ទី២៣ខែកក្កដា ឆ្នាំ២០២៣ខាងមុខអោយបានគ្រប់ៗគ្នា។
បើតាមការបញ្ជាក់របស់លោកតា ដែលរស់នៅភូមិប្រាសាទឃុំសំបួរស្រុករមាសហែកបានថ្លែងអំណរគុណយ៉ាងខ្លាំងដល់លោក ស៊ូ ម៉ុល អភិបាលស្រុកដែលតែងតែគិតគូរ ពីសុខទុក្ខលំបាកព្រមទាំងសំណើរ ដែលបានសំណូមពរផ្សេងៗដែលបានកើតឡើងនាពេលកន្លងមក ពិសេសបានផ្លូវចាក់បេតុងមួយខ្សែនេះដើម្បីងាយស្រួលក្នុងការធ្វើដំណើរឆ្លងកាត់និងដឹកកសិករផលផ្សេងៗ។
