រសៀលថ្ងៃទី២៩ ខែមិថុនា ឆ្នាំ២០២៣ ឯកឧត្តមបណ្ឌិត ប៉ាន់ខែម ប៊ុនថន សមាជិកគណៈកម្មាធិការកណ្តាល គណបក្សប្រជាជនកម្ពុជា និងជាអនុប្រធានផ្នែកក្រៅប្រព័ន្ធ ប្រធានក្រុមកសាងកម្លាំងផ្នែកក្រៅប្រព័ន្ធ នៃយុវជនគណបក្សថ្នាក់កណ្ដាល រួមនិងឯកឧត្តមវ៉ី សំណាង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សប្រជាជនខេត្តកំពង់ស្ពឺ ឯកឧត្តម យឹម សុខុម សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានគណបក្សប្រជាជនខេត្តកំពង់ស្ពឺ បានអញ្ជើញជាអធិបតី ក្នុងពិធីសំណេះសំណាលជាមួយជាមួយសហគ្រិន កម្មករ និយោជិត ផ្នែកសេដ្ឋកិច្ចក្រៅប្រព័ន្ធក្នុងខេត្តកំពង់ស្ពឺ ចំនួនជាង៥០០នាក់ ។
លោក យ៉ង់ យ៉ារិទ្ធិ អនុប្រធានប្រចាំផ្នែកសេដ្ឋកិច្ចក្រៅប្រព័ន្ធ នៃគណបក្សប្រជាជនកម្ពុជាខេត្តកំពង់ស្ពឺ បានឡើងអានរបាយការណ៍ ពីសកម្មភាព ប្រវត្តិ និងការកសាងកម្លាំងសេដ្ឋកិច្ចក្រៅប្រព័ន្ធរួមមាន ផ្នែកសេវាកម្មកម្សាន្ត ផ្នែកដឹកជញ្ជូន ផ្នែកអាជីវករ និងផ្នែកដទៃទៀតក្នុងខេត្តកំពង់ស្ពឺ ដែលមានទឹកចិត្តគោរពស្រលាញ់ ដោយស្មោះស្ម័គ្រជាមួយគណបក្សប្រជាជនកម្ពុជា ។ ឯកឧត្តម វ៉ីសំណាង ក្នុងនាមគណបក្សប្រជាជនខេត្តកំពង់ស្ពឺ បានសំដែងការកោតសរសើរ នូវសកម្មភាពរៀបចំ ការកសាងកម្លាំងក្រៅប្រព័ន្ធរបស់ បងប្អូនជា ម្ចាស់សហគ្រិន កម្មករ និយោជិត ដែលបានចូលរួមជាមួយគណបក្សប្រជាជនកម្ពុជានាឱកាសនេះ ។ ក្នុងឱកាសនោះផងដែរ ឯកឧត្តមបណ្ឌិត ប៉ាន់ខែម ប៊ុនថន បានថ្លែងអំណរគុណចំពោះបងប្អូន ដែលចូលរួមជាមួយគណបក្សប្រជាជនកម្ពុជា ហើយគណបក្សប្រជាជន តែងតែបើកទូលាយជូនបងប្អូនទាំងអស់ មិនថាក្នុង ឬក្រៅប្រពន្ធ័ និងជាពិសេសគោលនយោបាយរបស់គណបក្សប្រជាជនកម្ពុជា ពិសេសសម្ដេចតេជោ ហ៊ុន សែន បានយកចិត្តទុកដាក់ គិតគូដល់បងប្អូនជាពិសេសផ្នែកក្រៅប្រពន្ធ័ តែម្ដង ហើយក្នុងនោះឯកឧត្តមក៏បានអំពាវនាវឲ្យបងប្អូនយើងទាំងអស់អញ្ជើញទៅបោះឆ្នោតឲ្យបានគ្រប់គ្នានាថ្ងៃទី២៣ ខែកក្កដា ខាងមុខនេះ ។
អរគុណសន្តិភាព
