សង្ក្រាន្តក្រុងកំពង់ចាមថ្ងៃទី ៣ លោក ឧបនាយករដ្ឋមន្រ្តី យឹម ឆៃលី និងថ្នាក់ដឹកនាំខេត្តកំពង់ចាម ចូលរួមកំសាន្តសប្បាយ ជាមួយប្រជាពលរដ្ឋយ៉ាងច្រើនកុះករ

(កំពង់ចាម)៖ សង្ក្រាន្តក្រុងកំពង់ចាមថ្ងៃទី ៣ នារសៀលថ្ងៃទី ១៦ ខែមេសា ឆ្នាំ ២០២៣ នេះ លោកឧបនាយករដ្ឋមន្ត្រី យឹម ឆៃលី និង លោក អ៊ុន ចាន់ដា អភិបាលខេត្តកំពង់ចាម ព្រមទាំងថ្នាក់ដឹកនាំខេត្ត ជាច្រើននាក់ទៀត បានចូលរួមកម្សាន្តសប្បាយរីករាយក្នុងពិធីស្រង់ព្រះ ជាមួយប្រជាពលរដ្ឋយ៉ាងច្រើនកុះករ នៅបរិវេណមុខសាលាខេត្តកំពង់ចាម ។

សូមបញ្ជាក់ផងដែរថា ពិធីសប្បាយរីករាយ ដែលថ្នាក់ដឹកនាំខេត្តចូលរួម ជាមួយប្រជាពលរដ្ឋ នៅមុខសាលាខេត្តកំពង់ចាម មានដូចជា វិធីស្រង់ព្រះ , លាបម្សៅ , បាញ់ទឹក , និងពិធីរាំកំសាន្តផងដែរ ៕