សកម្មភាពក្រោមដំណក់ទឹកភ្លៀងរបស់ កងកម្លាំងប៉ុស្តិ៍នគរបាលរដ្ឋបាលប៉ោយប៉ែតនិងប្រជាការពារ នៅពេលរាត្រីដើម្បីរក្សាការពារសន្តិសុខជូនប្រជាពលរដ្ឋក្នុងមូលដ្ឋាន ក្រោមការដឹកនាំបញ្ជាផ្ទាល់ពីលោកវរសេនីយ៍ត្រី សួន ស៊ីម៉ាក់នាយប៉ុស្តិ៍នគរបាលរដ្ឋបាលសង្កាត់ប៉ោយប៉ែត!
ខេត្ដបន្ទាយមានជ័យ៖នៅយប់ថ្ងៃអាទិត្យ ៤រោច ខែចេត្រ ឆ្នាំខាល ចត្វាស័ក ពស ២៥៦៦ ត្រូវថ្ងៃទី ៩ខែ មេសា ឆ្នាំ២០២៣នេះដោយអនុវត្តតាមការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ និងអនុវត្តតាមបទបញ្ជារបស់ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានដាក់បទបញ្ជាដល់ លោកអធិការរងគ្រប់ផ្នែកជំនាញ និងលោកនាយប៉ុស្តិ៍នគរបាលទាំង៥ ប៉ុស្តិ៍ ត្រូវចុះធ្វើការដើរល្បាតជាប្រចាំ និងឈរជើងការពារតាមគោលដៅសំខាន់ៗងាយរងគ្រោះដើម្បីរក្សាការពារសន្តិសុខជូនប្រជាពលរដ្ឋក្នុងមូលដ្ឋាននិងបង្ការទប់ស្ងាត់បទល្មើសគ្រប់ប្រភេទនៅក្នុងភូមិសាស្ត្រប៉ុស្តិ៍គ្រប់គ្រងដើម្បី ភូមិ ឃុំ សង្កាត់មានសុវត្ថិភាព និងការពារសន្តិសុខក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខនេះផងដែរ។
សកម្មភាពក្រោមដំណក់ទឹកភ្លៀងរបស់កងកម្លាំងប៉ុស្តិ៍នគរបាលរដ្ឋបាលសង្កាត់ប៉ោយប៉ែតនិងប្រជាការពារ នៅពេលរាត្រី ចុះធ្វើការល្បាតក្នុងភូមិសាស្ត្រប៉ុស្តិ៍គ្រប់គ្រង ដើម្បីរក្សាការពារសន្តិសុខជូនប្រជាពលរដ្ឋក្នុងមូលដ្ឋាននិងបង្ការទប់ស្កាត់រាល់បទល្មើសគ្រប់ប្រភេទក្រោមការដឹកនាំបញ្ជាផ្ទាល់ពីលោកវរសេនីយ៍ត្រី សួន ស៊ីម៉ាក់នាយប៉ុស្តិ៍នគរបាលរដ្ឋបាលសង្កាត់ប៉ោយប៉ែត។
ឆ្លៀតឱកាសនោះដែរ៖លោកវរសេនីយ៍ត្រីសួន ស៊ីម៉ាក់នាយប៉ុស្តិ៍នគរបាលរដ្ឋបាលសង្កាត់ប៉ោយប៉ែត ក៏បានផ្ដែផ្ដាំដល់បងប្អូនប្រជាពលរដ្ឋ បើមានការបន្ទាន់ ឬអសន្តិសុខណាមួយកើតឡើងនៅក្នុងមូលដ្ឋានបងប្អូនរស់នៅ សូមបងប្អូនប្រជាពលរដ្ឋ រាយការណ៍មក កងកម្លាំងឈរជើងតាមគោលដៅ នៅជិតផ្ទះបងប្អូន ឬ ទំនាក់ទំនងតាមលេខទូរសព្ទទាន់ហេតុការណ៍របស់ប៉ុស្តិ៍នគរបាលរដ្ឋបាលសង្កាត់ប៉ោយប៉ែតមានលេខ០៦៨-២៨២៨៨៤/០៩២-២៨២៨៨៤ ដើម្បីចាត់ឱ្យកម្លាំងចុះធ្វើការបង្ក្រាបបានទាន់ពេលវេលាផងដែរ៕ដោយ៖លោកចាន់ ពុធ
