អង្គភាពអ្នកនាំពាក្យរាជរដ្ឋាភិបាល នឹងរៀបចំសន្និសីទសារព័ត៌មាន ស្ដីពី “ភាពជោគជ័យក្នុងរយៈពេល ៥ឆ្នាំកន្លងមក របស់រដ្ឋបាលខេត្តកណ្ដាល” ដែលនឹងប្រព្រឹត្តទៅនៅថ្ងៃព្រហស្បតិ៍ ៩កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី៣០ ខែមីនា ឆ្នាំ២០២៣ វេលាម៉ោង៩:៣០នាទីព្រឹក នៅទីស្ដីការគណៈរដ្ឋមន្ដ្រី សាលសេរីភាព ជាន់ផ្ទាល់ដី។
លោកអភិបាលនៃគណៈអភិបាល គង់ សោភ័ណ្ឌ បានមានប្រសាសន៍ថា៖ ការអភិវឌ្ឍកសាង អគ្គិសនី អំពូលសូឡា ផ្លូវល្អ ភូមិ ឃុំ របស់យើងមានសុវត្ថិភាពប្រសើរមែនទែម ហើយកសាងផ្លូវជាច្រើនខ្សែ បានជំនួយពីសប្បុរសធម៌ និងក្រុមការងាររបស់យើងជាបន្តបន្ទាប់ទៀត លោក អភិបាលនៃគណៈអភិបាលបានបន្តទៀតថា៖(ព័ត៌មានសំខាន់ណាស់) ភូមិ ឃុំមានសុវត្ថិភាពគឺជាគោលនយោបាយ ជាក់ស្តែង មានកញ្ចប់គំរោងកសាង និងអភិវឌ្ឍន៍បានល្អប្រសើរ(ខេត្តកណ្តាលជាបេះដូងសេដ្ឋកិច្ច) ក្រោមការដឹកនាំចង្អុលបង្ហាញរបស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងការអនុវត្តការងារយ៉ាងមុឺម៉ាត់របស់ គណៈបញ្ជាការឯកភាព ។
លោកអភិបាលនៃគណៈអភិបាល គង់ សោភ័ណ្ឌ បានប្ដេជ្ញាចិត្តខិតខំប្រឹងប្រែងដើម្បីកសាងសង្គមជាតិយើងឲ្យកាន់តែប្រសើរឡើងថែមទៀត ក្រោមម្លប់សន្តិភាព ស្ថិរភាពនយោបាយ សុវត្ថិភាព ក្រោមការដឹកនាំដ៍ឈ្លាសវៃរបស់សម្តេចអគ្គមហាសេនាធិបតីតេជោ ហ៊ុន សែន ទើបប្រទេសយើងមានសុខសន្តិភាព មានការរីកចម្រើន គ្រប់វិស័យ។ (អគុណសន្តិភាព)
