ភ្នំពេញៈ លោកយឹម ស៊ីណន ត្រូវបានដោះលែងឲ្យមានសេរីភាពវិញហើយ នៅថ្ងៃទី២៨ ខែមីនា ឆ្នាំ២០២៣ នេះ បានពីបានធ្វើជាវីដេអូសូមព្រះរាជទានទោសពីព្រះមហាក្សត្រ និងសូមទោសសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ចំពោះសំណេររបស់ខ្លួនដែលបានសរសេរលើបណ្តាញសង្គមប្រមាថដល់អង្គព្រះមហាក្សត្រ។
ចៅក្រមស៊ើបសួរសាលាដំបូងរាជធានីភ្នំពេញ យី សុខវួច នៅថ្ងៃទី២៨ ខែមីនា ឆ្នាំ២០២៣ បានចេញដីកាបង្គាប់ឲ្យប្រធានមណ្ឌលអប់រំកែប្រែទី១ (ម១) នៃក្រសួងមហាផ្ទៃ ដោះលែងជនត្រូវចោទឈ្មោះ យឹម ស៊ីណន ដែលត្រូវបានឃាត់ខ្លួនតាមដីកាបង្គាប់ឲ្យឃុំខ្លួនលេខ ២៤៣៣ “វ៌ ដ.ឃ.ដ ចុះថ្ងៃទី២២ ខែមីនា ឆ្នាំ២០២៣ ប្រសិនបើឈ្មោះនេះ មិនត្រូវបានឃុំខ្លួនពីបទល្មើសផ្សេងទៀតទេ។
