ខេត្តរតនគិរី៖ ប្រភពព័ត៌មានអោយដឹងថា តំណាលចុងក្រោយនៃវិនាសកម្មព្រៃឈើ នឹងត្រូវអស់ក្រោមសកម្មភាពកាប់ ទន្ទ្រានមិនរើសប្រភេទ ។ កូនឈើអាយុកាលស្រស់ខ្ចីចាប់ពីទំហំខ្លឹមត្រឹម ៣០សង់ទីម៉ែត្រ ឡើងត្រូវផ្តួល រំលំកាត់គល់ផ្លះមែកកាត់ចុងយកទាំងដើមដឹកជញ្ជូនឆ្លងកាត់ទន្លេសេសានឆ្ពោះទៅកំពង់ផែគោលដៅស្រុកវើនសៃនិងបន្តឡើងរថយន្តខ្នាតធំឆ្ពោះទៅទីផ្សារប្រទេសវៀតណាម។
ប្រភពព័ត៌មានបន្តថាតំបន់ព្រៃឈើកំពង់រងគ្រោះរួមមានស្ថិតនៅតំបន់ភូមិសាស្ត្រញ៉ើន តំបន់ឩទ្យានជាតិវរៈជ័យ តំបន់ព្រៃការពារកន្ទុយនាគ និងតំបន់ព្រៃឈើមួយចំនួន ទៀតមានជាប់ខេត្តទាំង២ ។ គម្របព្រៃឈើស្រស់ ដែលជាគម្របព្រៃឈើចុងក្រោយបានរងការកាប់បំផ្លាញក្រោយជំនួញដេញថ្លៃស្របច្បាប់និងប្រមូលុសច្បាប់នាំចេញទៅប្រទេសវៀតណាម។
សកម្មភាពនោះមានបុគ្គលម្នាក់ឈ្មោះ ប៉ុល វិសាល ជាអ្នករាប់រងចាប់តាំងពីកំពង់ផែ ស្រុកវើនសៃ បង្វែរពីការចូលឃ្លាំង លោកឧកញ៉ាទ្រី ភាព ឆ្ពោះទៅគោលដៅចំណុចស ក្នុងប្រទេសៀតណាមតាមច្រកទ្វារអន្តរជាតិ យ៉ាដាវខេត្តរតនគិរី។ ប្រភពបន្តថាលោក ប៉ុល វិសាល មានច្បាប់ចេញថ្លៃឈើស្របច្បាប់ពីរដ្ឋបាលព្រៃឈើប្រមាណជា១០០មែត្រគូបប៉ុណ្ណោះ តែការដឹកជញ្ជូនភាគច្រើនសុទ្ធសឹងជាឈើឈនិងខុសគោលដៅច្បាប់ ។
តាមរយៈការបញ្ជាប្រមូលទិញនិងកាប់ព្រៃឈើស្រស់តំណាក់កាលចុងក្រោយនោះ មានការបង្ហើបពីជនជាតិវៀតណាមថានៅប្រទេសវៀតណាមមិនមានព្រៃឈើនោះឡើយ ហើយធនធានព្រៃឈើនៅប្រទេសកម្ពុជាទោះប្រភេទឈើអ្វីក៍វៀតណាមតម្រូវការដែរអោយតែដឹកជញ្ជូនដល់ប្រទេសគេ គ្រាន់តែជំហានដំបូង រើសយកប្រភេទឈើប្រណីត និងបន្ទាប់យកប្រភេទឈើលេខ១ ហើយនិងបន្តយកឈើប្រភេទផ្សេងៗទៀតទាំងនេះ ហើយដែលជាឱកាសឈ្មួញប្រើប្រាស់រូបភាពស្របច្បាប់លួចលាក់ប្រមូលដឹកជញ្ជូនខុសច្បាប់ដូចរូបភាព លោក ប៉ុល វិសាល បច្ចុប្បន្ននេះ៕
ដោយ៖ រ៉ូសាលី
