(ភ្នំពេញ)៖ នាព្រឹកថ្ងៃទី២០ ខែមីនា ឆ្នាំ២០២៣ ឯកឧត្តម សុខ ពេញវុធ អភិបាលរងរាជធានីភ្នំពេញ និងលោកជំទាវ ហេង សុខគង់ តំណាងដ៍ខ្ពង់ខ្ពស់ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ មានកិត្តិយសអញ្ជើញជាអធិបតីក្នុងពិធីក្រុងពាលីរៀបចំការជួសជុល និងកែលម្អសោភ័ណភាពជុំវិញបរិវេណទីតាំងរូបសំណាកលោកយាយដូនពេញ ដើម្បីត្រៀមរៀបចំ “សង្ក្រាន្ដវត្ដភ្នំ” និងការចូលរួមអបអរសាទរពិធីបុណ្យចូលឆ្នាំថ្មី ប្រពៃណីជាតិ ឆ្នាំ២០២៣។
ក្នុងពិធីនេះ ដើម្បីបួងសួងសុំសេចក្ដីសុខសប្បាយក្នុងដំណើរការជួសជុល និងកែលម្អសោភ័ណភាពនៅជុំវិញបរិវេណទីតាំងរូបសំណាកលោកយាយដូនពេញ ពិសេសរួមចំណែកលើកកម្ពស់សោភ័ណភាពរាជធានីភ្នំពេញ និងសុំពរជ័យ សិរីសួស្ដី វិបុលសុខ និងចម្រុងចម្រើនជូនដល់ប្រជាពលរដ្ឋក្នុងរាជធានីភ្នំពេញ ក៍ដូចជាប្រជាជនកម្ពុជាទូទាំងប្រទេស នៃម្លប់សុខសន្ដិភាព ក្រោមការដឹកនាំប្រកបដោយកិត្តិបណ្ឌិតដ៍ខ្ពង់ខ្ពស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
