អត់ដឹងអីអាលីងម៉ង ស្រុកឯងសោះ!
យកកាំបិតភ្ជង់ប្លន់យកទ្រព្យសម្បត្តិអស់ពីស្រី្តចំណាស់ម្នាក់រូចគេចខ្លួនបាត់ ដោយសុវត្ថិភាព
ខេត្តបាត់ដំបង,ស្រុកសំពៅលូន
មានរឿងដ៏ព្រួយបារម្ភ មួយបានកើតឡើងខណះស្ត្រីវ័យចំណាស់ម្នាក់ត្រូវជនមិនស្គាល់អអត្តសញ្ញាណចូល វាយប្លន់ យកទ្រព្យសម្បត្តិដែលគាត់មានបន្តិចបន្ទូចអស់គ្មានសល់ ក្រោយពីចាប់គាត់ចងដៃចងជើង វាយធ្វើទារុណកម្ម កាលពីវេលាម៉ោង១:៣០នាទី រំលងអធ្រាត្រឈានចូលថ្ងៃទី១១ ខែមិនា ឆ្នាំ២០២៣ នៅចំណុចភូមិអូរគ្រូស ឃុំសិរីមានជ័យ ស្រុកសំពៅលូន ខេត្តបាត់ដំបង រួចគេចខ្លួនដោយសុវត្ថិភាព។
ប្រភពពីកន្លែងកើតហេតុបានឲ្យដឹងថា ស្ត្រីរងគ្គ្រោះមានឈ្មោះឆេន មុំ អាយុ៥៧ ឆ្នាំ ជាកសិករ រស់នៅចំណុចភូមិ ឃុំ កើតហេតុខាងលើ ។ គាត់ត្រូវជនមិនស្គាល់អត្តសញ្ញាណ ចាប់ចងវាយដំឡើង ទ្រមខ្លួន រួចយកកូនកាំបិតចុងស្រួច ភ្ជង់ប្លន់យកទ្រព្យសម្បត្តិដែលគាត់មានបន្តិចបន្ទូចអស់គ្មានសល់ ប្រភពដដែលបានបញ្ជាក់ថា មិនតែវាយធ្វើទារុណកម្ម និងប្លន់យកគ្រឿងអលង្កា និងប្រាក់ប៉ុណ្ណោះទេ ក្រោយប្លន់បានសម្រេច និងមុនពេលវាចាកចេញពីផ្ទះជនរងគ្រោះទាំងកណ្ដាលអាធ្រាត ជនតិរិច្ឆានម្នាក់នេះបាន វាយដំគាត់រហូតដល់សន្លប់ជាមួយនឹងផ្ញើពាក្យគំរាមសម្ម្លាប់ បើគាត់ហ៊ានទម្លាយរឿង«ប្លន់»នេះ។បើតាមស្ត្រីរងគ្រោះ ឈ្មោះ ឆេន មុំ បាននិយាយ ហើយត្រូវបានគេស្រង់សំដីថា គាត់បានស្នាក់នៅផ្ទះតែម្នាក់ឯងទេ នៅយប់កើតហេតុនោះ នៅវេលារំលងអធ្រាត្រទៅហើយ ស្រាប់ តែគាត់បានឮសំឡេងរើកកាយនៅក្នុងផ្ទះគាត់ ហើយគាត់ក៏ងើបទៅរកមើមើ ស្រាប់តែឃើញមនុស្សម្នាក់កំពុងរើកកាយអីវ៉ាន់គាត់ ។ គាត់បានបន្តថា គ្រាន់តែឃើញគាត់ភ្លាមជននោះបានស្ទុះមកប្រតាយប្រតប់ជាមួយគាត់ ។ជនរងគ្រោះបានបញ្ជាក់ថា ពេលនោះវាបានចាប់ចងដៃគាត់ យកអាវចងបិតមុខ មុនគាត់យកស្រោមជើងញ៉ុកមាត់គាត់ រួចយកកូនកូនកាំបិភ្ជង់ក គាត់ជាមួយនឹងការស្រែកសំឡុតសួររកទ្រព្យសម្បត្តិ ។ ក្រោយពីចាប់គាត់ចងចងវាយធ្វើទារុណកម្មអស់ចិត្ត ជននេះបានរើកកាយប្លន់យកលុយ និងគ្រឿងអល័ង្ការបស់គាត់ដែលមានបន្តិចបន្ទូចអស់គ្មានសល់ ។ ប៉ុន្តែបើតាមការបញ្ជាក់របស់ជនរងគ្រោះ ជនដៃដល់មិនព្រមអស់ចិត្តទេ បើទោះជាវា វាយធ្វើបាបគាត់ស្ទើរទួក់សាច់ និងបានប្លន់យកទ្រព្យបានទៅអស់ហើយក្ដី មុនពេលចាកចេញទៅជនតិរិច្ឆាននេះ បានវាវាយធ្វើទារុណកម្មគាត់ជាថ្មីទៀតយ៉ាងចាស់ដៃរហូតដល់គាត់ដេក សន្លប់ស្ទើរទល់ភ្លឺទើបគាត់ដឹងខ្លួន ហើយក៏ទូរស័ព្ទប្រាប់អ្នកក្បែរខាងឲ្យដឹង ដើម្បីឲ្យជួយប្ដឹងទៅសមត្ថកិច្ច។
ចំពោះការបាត់បង់ទ្រព្យសម្បត្តិវិញ បើតាមស្ត្រីរងគ្រោះរូបនេះបានប្រាប់ថា ទ្រព្យសម្បត្តិដែលត្រូវចោរប្លន់យកទៅមានលុយចំនួន២,៧លានរៀល និងខ្សែកប្លាទីន០១ខ្សែ មានតម្លៃ១០,៧ ០០បាត (ប្រាក់ថៃ)។ គេមិនដឹងថា ក្រោយពីសំណុំរឿងចោរ
«ប្លន់» ស្ត្រីរងគ្រោះខាងលើនេះជ្រាបដល់សមត្ថកិច្ច តើភ្លាមៗនោះ ត្រូវបានមន្ត្រីមូលដ្ឋានរាយការណ៏បន្តទៅកាន់ការិយា ល័យជំនាញ ឬ លោកស្នងការបានជ្រាបដែរឬយ៉ាងណានោះទេ? ឬក៏មន្ត្រីថ្នាក់ក្រោមបិតសំណុំរឿងមិនរាយការណ៍ទើបមន្ត្រីការិយាល័យជំនាញបដិសេធថា មិនបានដឹង? នាយការិយាល័យព្រហ្មទណ្ឌកំរិតធ្ងន់ លោក កោ ស៊ុនកាំង បានឆ្លើយតបតាមទូរស័ព្ទគិតត្រិមម៉ោង៤រសៀល ថ្ងៃទី១១ មិនាថា «ខ្ញុំមិនទាន់ដឹងរឿងនេះទេ តែចាំមើលខ្ញុំសួរនាំសិន» ។ តែពុំមានការបំភ្លឺបែបណាជាថ្មីទេ បើទោះជាលោកនាយការិយាល័យរូបនេះ ប្រាប់អ្នកសារពត័មានអោយរង់ចាំក្ដី គឺបាត់ដំណឹងឈឹងរហូតតែម្ដង ។
មន្ត្រីដទៃទៀតនៅក្នុងការិយាល័យជំនាញមួយនេះក៏សុទ្ធតែអះអាងថា មិនទទួលបានព័ត៌មាន«ប្លន់»នេះដូចគ្នាដែរ ។ អំពើ«ប្លន់» ហាក់ស្ទុះកំរើកឡើងវិញគួរឲ្យកត់សម្គាល់ក្នុងមួយរយៈពេលចុងក្រោយនេះ ខណៈវិធានការទប់ស្កាត់ឬវិធានការបង្ក្រាបរបស់សមត្ថកិច្ចហាក់ទន់ជ្រាយបំផុត ។ចុងក្រោយនេះ គេសង្កេតឃើញមន្ត្រីមួយចំនួនហាក់កំពុងមានអំនួត ប្រកួតប្រជែងគ្នាតែពីរឿង«ឡើងតួនាទី ឡើងស័ក្ដិ និងឡើងតំណែង » តែកិច្ចការងារស្នូលនៅក្នុងអង្គភាព «សារ៉ូ»។ ជាពិសេសការរៀបផែនការទប់ស្កាត់ ឬផែនការបង្ក្រាបបទល្មើសនេះតែម្ដង ។ជាក់ស្ដែងអំពើ «ប្លន់» តាមដងផ្លូវ នៅក្នុងក្រុងបាត់ដំបង ប៉ុន្មានករណីកន្លងទៅនេះ ហាក់បាត់ស្ងាត់ឈឹងមិនទាន់មានតម្រុយពីមុខសញ្ញាលោកចោរនៅឡើយទេ សូម្បីតែបន្តិចរហូតមានអំពើ «ប្លន់» បន្ថែមមួយករណីជាថ្មីទៀត នៅស្រុកសំពៅលូន៕ទៀវ សារិន(C14)
អត់ដឹងអីអាលីងម៉ង ស្រុកឯងសោះ! យកកាំបិតភ្ជង់ប្លន់យកទ្រព្យសម្បត្តិអស់ពីស្រី្តចំណាស់ម្នាក់រូចគេចខ្លួនបាត់ ដោយសុវត្ថិភាព ខេត្តបាត់ដំបង,ស្រុកសំពៅលូន
ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat» | www.kap-news.com
Tel: 077 79 79 52 / 088 77 97 952 | WhatsApp= 012 58 04 55
Filed in: ព័ត៌មានជាតិ
