ភ្នំពេញ៖ នៅព្រឹកថ្ងៃទី១៥ ខែមីនា ឆ្នាំ២០២៣ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជាអធិបតីពិធីបើកសន្និសីទ ជនមានពិការភាពប្រចាំតំបន់អាសុី និងប៉ាសុីហ្វិក លើកទី៥ ឆ្នាំ២០២៣ នៅសណ្ឋាគារសុខាភ្នំពេញ ។

សន្និសីទនេះនឹងក្លាយជាឱកាសមួយដើម្បីធ្វើការរួមគ្នាដើម្បីជួយជនពិការរួមទាំងការប្រយុទ្ធប្រឆាំងនឹងការរើសអើងទន្ទឹមនឹងការលើកកម្ពស់សិទ្ធិរបស់ពួកគេ។ ការចូលរួមនៅក្នុងសន្និសីទនេះនឹងបង្ហាញពីការប្តេជ្ញាចិត្តរបស់ប្រទេសជាច្រើនក្នុងការជួយជនពិការក្នុងការដោះស្រាយបញ្ហាប្រឈមដែលពួកគេជួបប្រទះ។

បន្ថែមពីលើនេះ សន្និសីទមានសារៈសំខាន់ខ្លាំងណាស់សម្រាប់ប្រទេសនីមួយៗមិនត្រឹមតែកម្ពុជាប៉ុណ្ណោះទេ តែដើម្បីធ្វើការសម្រេចចិត្តជាយុទ្ធសាស្ត្រដើម្បីជួយជនមានពិការភាព។

សន្និសីទនឹងប្រមូលផ្តុំតំណាងមកពីជាង ៤០ប្រទេសនៅក្នុងតំបន់អាស៊ីប៉ាស៊ីហ្វិកជាមួយនឹងមន្ត្រីមកពីស្ថាប័នរដ្ឋ និងអង្គការសង្គមស៊ីវិល ដើម្បីសហការគ្នាដើម្បីស្វែងរកដំណោះស្រាយយន្ត ការ និងអន្តរាគមន៍ដែលអាចជួយដល់វិស័យងាយរងគ្រោះនៃសង្គមនេះ។

សន្និសីទអាស៊ីប៉ាស៊ីហ្វិកស្តីពីបរិស្ថានពិការសម្រាប់ការអភិវឌ្ឍសហគមន៍ប្រកបដោយនិរន្តរភាពត្រូវបានរៀបចំឡើងជាលើកដំបូងដោយប្រទេសថៃក្នុងឆ្នាំ២០០៩ បន្ទាប់មកប្រទេសហ្វីលីពីនក្នុងឆ្នាំ២០១១។ សន្និសីទលើកទី៣ ត្រូវបានធ្វើឡើងនៅប្រទេសជប៉ុននៅក្នុងឆ្នាំ២០១៥ លើកទី៤នៅប្រទេសម៉ុងហ្គោលីនៅឆ្នាំ២០១៩ និងលើកទី៥ នៅប្រទេសកម្ពុជាឆ្នាំ២០២៣៕