ឃាត់ខ្លួនជនសង្សយ័ជាជនជាតិចិនចំនួន៣នាក់ ពាក់ពន្ធ័នឹងការចាប់បង្ខាំងជនជាតិចិនដូចគ្នា ដកហូតបានអាវុធ គ្រាប់ និងថ្នាំញៀនព្រមទាំងវត្ថុតាងមួយចំនួនទៀត
ខេត្តព្រះសីហនុ-
លោកឧត្តមសេនីយ៌ទោ ជួន ណារិន្ទ ស្នងការនគរបាលខេត្តព្រះសីហនុឲ្យដឹងនៅល្ងាចថ្ងៃ១២មីនា២០២៣ថា នគរបាលជំនាញឃាត់ខ្លួនជនសង្សយ័ជាជនជាតិចិនចំនួន៣នាក់ ពាក់ពន្ធ័នឹងការចាប់បង្ខាំងជនជាតិចិនដូចគ្នា ដកហូតបានអាវុធ គ្រាប់ និងថ្នាំញៀនព្រមទាំងវត្ថុតាងមួយចំនួនទៀត ក្នុងនោះជនរងគ្រោះជាជនជាតិចិនម្នាក់ក៏ត្រូវបានជួយសង្គ្រោះផងដែរ។
ប្រតិបត្តិការនេះធ្វើឡើងនៅរសៀថ្ងៃទី១០ ខែមីនា ឆ្នាំ២០២៣ បន្ទាប់ពីមានបណ្តឹងតាមរយៈទំព័រហ្វេសប៊ុកផេក របស់សម្តេចក្រឡាហោម ស ខេង ឲ្យសមត្ថកិច្ចជួយស្វែងរកជនបរទេសចំនួន ០១នាក់ ជនជាតិចិន ឈ្មោះ HU RONG ភេទប្រុស អាយុ ៣២ឆ្នាំដែលបាត់ខ្លួននៅក្នុងខេត្តព្រះសីហនុ។ តាមរយៈការស្រាវជ្រាវពីសមត្ថកិច្ចជំនាញ ចូលរួមពីថ្នាក់ដឹកនាំរដ្ឋបាលខេត្តនិងតំណាងអយ្យការអមសាលាដំបូងខេត្តព្រះសីហនុ កម្លាំងចំរុះបានចុះស្រាវជ្រាវពីទីតាំងមួយទៅទីតាំងមួយផ្សេងៗក្នុងក្រុងព្រះសីហនុ និងចុងក្រោយចុះទៅដល់ ខុនដូរឈ្មោះ LZ SEAVIEW RESIDDENCE ស្ថិតនៅភូមិ ៥ សង្កាត់៤ ក្រុង ព្រះសីហនុ ខេត្តព្រះសីហនុ រកឃើញជនសង្ស័យពាក់ព័ន្ធចំនួន ៣ នាក់ ដែលមានឈ្មោះដូចខាងក្រោម៖
១-HEI LONGJIANG ភេទប្រុស ជនជាតិចិន អាយុ៣៨ ឆ្នាំ ។
២-ZHOU LAI ភេទប្រុស ជនជាតិចិន អាយុ២៨ ឆ្នាំ
៣-WANG JIANPING ភេទប្រុស ជនជាតិចិន អាយុ២៣ ឆ្នាំ ។
សម្ភារៈដកហូតបានរួមមាន៖
១. រថយន្ត AUDI ពណ៍ ខ្មៅ ស្លាកលេខ 2AD8796 (១គ្រឿង) ម្ចាស់ឈ្មោះ ZHOU LAI
២. រថយន្ត RANDROVER ពណ៍ ខ្មៅ ស្លាកលេខ កម្ពុជា CAR.LIF7(១គ្រឿង) ម្ចាស់ឈ្មោះ WANG JIAN PING
៣. រថយន្ត RANDROVER ពណ៍ ខ្មៅស្លាកលេខ ភ្នំពេញ2AW-5665 (១គ្រឿង)ម្ចាស់ឈ្មោះ HEILONG JIANG
៤. អាវុធ ខ្លី GLOCK 19 GEN 4 ១០គ្រាប់(មួយដើម) របស់ឈ្មោះ WANG JIAN PING
៥. អាវុធ GLOCK 17 ខ្លី ប្រើហ្គាស(មួយដើម) របស់ឈ្មោះ WANG JIAN PING
៦. ទូរស័ព្ទ ចំនួន០២គ្រឿង IPHONE 14 PRO ,IPHONE 13
៧. ដំបងដែក (០១ដើម )
៨. គ្រឿងញៀន មួយចំនួនធំ និងសម្ភារៈពាក់ពន្ធ័មួយចំនួន
៩. លិខិតឆ្លងដែន (០១ច្បាប់) ។ ជនសង្ស័យដែលពាក់ព័ន្ធក្នុងករណីនេះចំនួន ០៣នាក់ជនជាតិចិន និងជនរងគ្រោះព្រមទាំងវត្ថុតាង ត្រូវបានសមត្ថកិច្ចយកមកកាន់ស្នងការដ្ឋាននគរបាលខេត្តព្រះសីហនុ ដើម្បីធ្វើការស្រាវជ្រាវបន្តតាមនីតិវិធី៕
រូបភាព 
