លោកវរសេនីយ៍ត្រី ពៅ រតនា នាយប៉ុស្តិ៍ស្ពានម៉ាឡៃនគរបាលការពារព្រំដែនគោក នៃវរៈសេនាតូចលេខ ៨១៥ដឹកនាំកម្លាំង ចុះធ្វើការឃាត់ខ្លួនពលករលូចឆ្លងដែនខុសច្បាប់ ប្រុស ស្រី ចំនួន០៧នាក់ នៅក្នុងភូមិសាស្រ្ត ស្រុកម៉ាឡៃ
ខេត្តបន្ទាយមានជ័យ៖ នៅព្រឹកថ្ងៃសុក្រ ៤រោច ខែ ផល្គុន ឆ្នាំខាល ចត្វាស័ក ព.ស២៥៦៦ ត្រូវនិងថ្ងៃទី ១០ ខែ មីនា ឆ្នាំ២០២៣នេះនៅវេលាម៉ោង១០ :៣០នាទីព្រឹកដោយអនុវត្តន៍ យ៉ាងម៉ឹងម៉ាត់តាមបទបញ្ជា លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក្រោមការដឹកនាំបញ្ជាដោយផ្ទាល់របស់ លោកវរសេនីយ៍ឯក សួង សៅ មេបញ្ជាការ វរសេនាតូចនគរបាលការពារព្រំដែនគោកលេខ៨១៥។
លោកវរសេនីយ៍ត្រី លី ស៊ាងយ៉ាង មេបញ្ជាការរង នៃវរៈសេនាតូចនគរបាលការពារព្រំដែនគោកលេខ៨១៥ និងលោក វរសេនីយ៍ត្រី ពៅ រតនា នាយប៉ុស្តិ៍ស្ពានម៉ាឡៃនគរបាលការពារព្រំដែនគោក នៃវរៈសេនាតូចលេខ ៨១៥ បានដឹកនាំកម្លាំងប៉ុស្ដិ៍ស្ពានម៉ាឡៃចំនួន ០៥នាក់
បានទប់ស្កាត់ប្រជាពលរដ្ឋបម្រុងឆ្លងដែនដោយខុសច្បាប់សរុបចំនួន ០៧នាក់ (ស្រី០៣នាក់)ក្នុងនោះអ្នកនាំផ្លូវចំនួន០១នាក់ ឈ្មោះ ច្រឹក សំអុី ភេទប្រុស អាយុ៣៧ឆ្នាំ រស់នៅភូមិ ដំបូកវិល ឃុំម៉ាឡៃ ស្រុកម៉ាឡៃខេត្តបន្ទាយមានជ័យ ត្រង់ចំណុចមាត់អូរព្រំដែន ស្ថិតក្នុងភូមិសាស្រ្ដភូមិ ដំបូកវិល ឃុំម៉ាឡៃ ស្រុកម៉ាឡៃខេត្តបន្ទាយមានជ័យ
ដែលពួកគាត់មានទីលំនៅក្នុងខេត្ដចំនួន ០៤គឺមានដូចខាងក្រោម៖
១.កំពត ០១នាក់
២.កំពង់ចាម ០៣នាក់
៣.បាត់ដំបង ០២នាក់
៤. បន្ទាយមានជ័យ ០១នាក់ ។
បន្ទាប់ពីបានធ្វើកិច្ចសន្យា និងអប់រំណែនាំរួចបានប្រគល់ពួកគាត់ជូនទៅផ្នែកជំនាញរបស់អធិការដ្ឋាននគរបាលស្រុកម៉ាឡៃ ដើម្បីអនុវត្តន៍ទៅតាមនិតិវិធីបន្ដ៕ដោយ៖លោកចាន់ ពុធ
