ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបាត់ដំបងឃាត់ខ្លួនជនសង្សៃមួយក្រុមបក្សពួកក្មេងទំនើង ០១ក្រុមមានគ្នា ០៤នាក់
ខេត្តបាត់ដំបង÷ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបាត់ដំបងឃាត់ខ្លួនជនសង្សៃមួយក្រុមបក្សពួកក្មេងទំនើង ០១ក្រុមមានគ្នា ០៤នាក់
កាលពីថ្ងៃទី០៩ ខែមីនា ឆ្នាំ២០២៣ វេលាម៉ោងប្រហែល ០៣ និង ៤០នាទីរំលងអាធ្រាត នៅចំណុចសួនសម្ដេចក្រឡាហោម ស ខេង ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបងខេត្តបាត់ដំបង មានករណី ហិង្សាដោយចេតនា(ទៅវិញទៅមក) ដែលបង្កឡើងដោយក្រុមក្មេងទំនើងចំនួន ០២ក្រុម គ្នាប្រមាណជាង ១០នាក់ និងម៉ូតូប្រហែល ០៥គ្រឿង ។
លុះព្រឹកឡើងថ្ងៃទី០៩ ខែមីនា ឆ្នាំ២០២៣ កម្លាំងការិយាល័យជំនាញសហការជាមួយ កម្លាំងអន្តរាគមន៍បង្ការបង្ក្រាប បានធ្វើការស្រាវជ្រាវ និងឈានដល់ការនាំខ្លួនក្រុមបក្សពួកក្មេងទំនើង ០១ក្រុមមានគ្នា ០៤នាក់ រួមមាន:
1️ឈ្មោះ ពេជ្រ សកល ហៅ ឃ្លូភេទប្រុស អាយុ១៩ឆ្នាំ ទីលំនៅភូមិដំណាក់ហ្លួង សង្កាត់វត្តគរ ក្រុង-ខេត្តបាត់ដំបង។
2ឈ្មោះ លីន ចាន់ខេង ភេទប្រុស អាយុ ១៩ឆ្នាំ ទីលំនៅភូមិដំណាក់ហ្លួង សង្កាត់វត្តគរ ក្រុង-ខេត្តបាត់ដំបង។
3ឈ្មោះ ចៅ ប៊ុនឡុង ភេទប្រុស អាយុ ២៣ឆ្នាំ ទីលំនៅភូមិដង្កោទាប សង្កាត់ទួលតាឯក ក្រុង-ខេត្តបាត់ដំបង។
4ឈ្មោះ សុវណ្ណ វិច្ឆ័យ ភេទប្រុស អាយុ ២៤ឆ្នាំ ទីលំនៅភូមិវត្តគរ សង្កាត់វត្តគរ ក្រុង-ខេត្តបាត់ដំបង។
នៅថ្ងៃទី០៩ ខែមីនា ឆ្នាំ២០២៣ វេលាម៉ោងប្រហែល ០៣ និង ៤០នាទីរំលងអាធ្រាត្រ នៅចំណុចសួនច្បារសម្ដេចក្រឡាហោម ស ខេង មានក្រុមក្មេងទំនើងចំនួន ០២ក្រុម មានគ្នាប្រហែលជាង ១០នាក់ ម៉ូតូប្រហែល ០៥ គ្រឿង បានធ្វើការដេញវាយ និងប្រើដុំថ្ម គប់គ្នាទៅវិញទៅមក បណ្ដាលឲ្យរងរបួស និងខូចខាតម៉ូតូ ០១គ្រឿង របស់ឈ្មោះ លីន ចាន់ចេង។ មូលហេតុដែលធ្វើមានការវាយតប់គ្នានេះ គឺដោយសារមានការមើលមុខ និងឌឺដងដាក់គ្នា ។
សម្ភារ:ខូចខាតរួមមាន:
– ម៉ូតូ ០១គ្រឿង ម៉ាក Zoomer-X ពណ៌ស-ក្រហម ស៊េរីឆ្នាំ២០១៧ ពាក់ស្លាកលេខ បាត់ដំបង 1AF-6217 ។
បច្ចុប្បន្នការិយាល័យជំនាញកំពុងធ្វើការកសាងសំណុំរឿង ដើម្បីបញ្ជូនទៅសាលាដំបូងខេត្តបាត់ដំបង ចាត់ការបន្តតាមនីតិវិធី ។
