#ខេត្តត្បូងឃ្មុំ ÷ នៅរសៀលថ្ងៃពុធ ទី០១ ខែមីនា ឆ្នាំ២០២៣  លោកឧត្តមសេនីយ៍ទោ ម៉ុន មាគ៌ា ស្នងការនគរបាលខេត្តត្បូងឃ្មុំ និងលោក ស្រេង លី អភិបាល នៃគណៈអភិបាលស្រុកមេមត់ បានអញ្ជើញជាអធិបតី ក្នុងពិធីសម្ពោធដាក់ឲ្យប្រើប្រាស់ជាផ្លូវការអគារធ្វើការ និងហេដ្ឋារចនាសម្ព័ន្ធនានា ប៉ុស្តិ៍នគរបាលរដ្ឋបាលរំចេក និងមេមង នៃអធិការដ្ឋាននគរបាលស្រុកមេមត់ ដែលមានទំហំអគារ ទទឹង ១១ម៉ែត្រ បណ្តោយ០៩ម៉ែត្រ ប្រើប្រាស់ថវិការបស់ក្រសួងមហាផ្ទៃ និងការកសាងហេដ្ឋារចនាសម្ព័ន្ធនានា (របង ក្លោងទ្វារ ចាក់ដី បំពាក់អំពូលភ្លើង លូរំដោះទឹក) ដោយប្រើប្រាស់ថវិកាចំនួន ២៣.០៦៧.៥០០រៀល ដែលជាអំណោយដ៏ថ្លៃថ្លារបស់ ឯកឧត្ដម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លោកឧត្តមសេនីយ៍ទោ ម៉ុន មាគ៌ា ស្នងការនគរបាលខេត្តត្បូងឃ្មុំ រួមនឹងមន្ត្រីនគរបាល ព្រមទាំងសប្បុរសជននានា ។

កម្មវិធីសម្ពោធខាងលើ មានការចូលរួមពីលោកឧត្តមសេនីយ៍ វរសេនីយ៍ស្នងការរង លោកនាយការិយាល័យពាក់ព័ន្ធ លោកអធិការ អធិការរង នាយ-នាយរងផ្នែកជំនាញ លោកនាយប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកមេមត់ មេឃុំ សមាជិកក្រុមប្រឹក្សាឃុំរំចេក និងមេមង កម្លាំងប្រជាការពារ និងប្រជាពលរដ្ឋ សរុបចំនួន ១០៨នាក់ផងដែរ ។

លោកឧត្តមសេនីយ៍ស្នងការ សូមគោរពថ្លែងអំណរគុណយ៉ាងជ្រាលជ្រៅជូនចំពោះសម្តេចក្រឡាហោម ឯកឧត្តម នាយឧត្តមសេនីយ៍ សន្តិបណ្ឌិត និងបងប្អូនសប្បុរសជនទាំងអស់ ដែលបានជួយឧបត្ថម្ភ ជាថវិកា និង សម្ភារ កសាងអគារ និងហេដ្ឋារចនាសម្ព័ន្ធនានា ក្នុងប៉ុស្តិ៍នគរបាលរដ្ឋបាល ទាំងពីរខាងលើ។ លោកឧត្តមសេនីយ៍ស្នងការ ក៏បានមានប្រសាសន៍ ផ្តាំផ្ញើដល់លោកអធិការ លោកនាយប៉ុស្តិ៍រដ្ឋបាល បន្តយកចិត្តទុកដាក់ ក្នុងការបំរើសេវាកម្មសាធារណៈ ជូនដល់បងប្អូនប្រជាពលរដ្ឋ ប្រកបដោយប្រសិទ្ធភាពខ្ពស់ និងថែរក្សាសន្តិសុខ សុវត្ថិភាព រៀបចំសណ្តាប់ធ្នាប់សាធារណៈ ទប់ស្កាត់រាល់បទល្មើសនានា ជាពិសេសបញ្ហាក្មេងទំនើង ល្បែងស់ីសងខុសច្បាប់គ្រប់ប្រភេទ និងគ្រឿងញៀន ។ល។ ឲ្យបានកាន់តែល្អប្រសើរ ៕
អត្ថបទ និងរូបភាពដោយ ការិយាល័យផ្សព្វផ្សាយអប់រំ