បុរសម្នាក់ត្រូវបានស្លាប់ ក្រោយពីធ្វើសកម្មភាពឆក់ត្រីតាមអូរ ខេត្តមណ្ឌលគីរី,ស្រុកកែវសីមា

បុរសម្នាក់ត្រូវបានស្លាប់ ក្រោយពីធ្វើសកម្មភាពឆក់ត្រីតាមអូរ
ខេត្តមណ្ឌលគីរី,ស្រុកកែវសីមា
សមត្ថកិច្ចនិងក្រុមគ្រួសារទើបរកឃើញម្សិលមិញ
នៅថ្ងៃទី ២២ ខែ កុម្ភៈ ឆ្នាំ ២០២៣វេលាម៉ោង១៤,១៥ នាទី ជនរងគ្រោះមានឈ្មោះញឹម អឹប ភេទប្រុស អាយុ ៥១ ឆ្នាំ ជនជាតិ ខ្មែរ សញ្ជាតិខ្មែរ មុខរបរ កសិករ រស់នៅភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី ។សមត្ថកិច្ចបានឲ្យដឹងថា មូលហេតុនៃការស្លាប់គឺដោយសាទៅឆក់ត្រី ភ្លាត់ស្នាតបណ្តាលឲ្យឆក់ខ្លួនឯងស្លាប់។ តាមការស្ដាប់បំភ្លឺរបស់ឈ្មោះអឹប អមរ៉ា ភេទស្រី ត្រូវជាកូនបង្កើតថា នៅថ្ងៃទី ១៩ ខែ កុម្ភៈ ឆ្នាំ២០២៣ វេលាម៉ោង១៣,៣០នាទី ឪពុករបស់ខ្លួនបានចេញពីផ្ទះ ទៅរកឆក់ត្រី នៅអូររ៉ាងលើ រហូតដល់ថ្ងៃទី២១ ខែកុម្ភៈ ឆ្នាំ២០២៣ មិនឃើញគាត់ត្រឡប់មកផ្ទះវិញនោះ ទេ ទើបរូបគាត់និងបងប្រុសរបស់គាត់ម្នាក់ទៀតទៅតាមរកប៉ុន្តែនៅតែរកមិនឃើញ លុះព្រឹកឡើងនៅថ្ងៃទី២២ខែកុម្ភៈ ក៏បាននាំគ្នាទៅរកម្តងទៀត ដោយមាន ប្រជាការពារ និងអ្នកភូមិ ចំនួន ១៨នាក់ទៅជួយរកឪពុករបស់ខ្លួន  លុះដល់ម៉ោង៩,៣០នាទី ក៏បានទៅដល់ចំណុចអូរ៉ាង និងបានចែកផ្លូវគ្នាដើររកនៅពេលចុះទៅក្នុងអូរ ចម្ងាយប្រហែល ២០០មែត្រ ក៏ប្រទះឃើញសាកសព ដេកស្លាប់ផ្ងារពោះក្នុងទឹកនៅលើអាគុយ ដោយដៃទាំងពីរកាន់ជាប់ដងឆក់ ក្នុងសភាពហើមមើលមិនស្គាល់ទៅហើយ។ករណីនេះបើតាមការសន្និដ្ឋានរបស់សមត្ថកិច្ច សពពិតជាស្លាប់ដោយសារឆ្លងចរន្តអគ្គិសនីម៉ាស៊ីនឆក់ត្រីពិតប្រាកដមែនមិនពាក់ព័ន្ធនិងករណីរឿងឃាតកម្ម(ព្រហ្មទណ្ឌ)ឡើយ។បច្ចុប្បន្ន សពត្រូវបានសមត្ថកិច្ចប៉ុស្ដ៍រដ្ឋបាលឃុំស្រែឈូកប្រគល់ឱ្យក្រុមគ្រួសារធ្វើបុណ្យតាមប្រពៃណី នៅផ្ទះសពក្នុងភូមិចក់ចា ឃុំស្រែឈូក ស្រុកកែវសីមា ខេត្តមណ្ឌលគិរី ៕