លោក សិទ្ធិ ឡោះ អញ្ជើញបើកការដ្ឋានជួសជុលផ្លូវលំក្រាលក្រួសក្រហម១ ខ្សែ ពីផ្លូវជាតិលេខ៥៦ ពីឃុំស្វាយចេក ទៅឃុំតាផូ ស្រុកស្វាយចេក
ខេត្តបន្ទាយមានជ័យ៖នៅរសៀលថ្ងៃទី ១៨ ខែ កុម្ភៈ ឆ្នាំ ២០២៣ លោក សិទ្ធិ ឡោះ សមាជិកអចិន្ត្រៃយ៍គណៈកម្មាធិការគណបក្សខេត្ត និងជាប្រធានក្រុមការងារខ២៧ ចុះមូលដ្ឋានស្រុកស្វាយចេក បានអញ្ជើញបើកការដ្ឋានជួសជុលផ្លូវលំក្រាលក្រួសក្រហម១ ខ្សែ ដែលជាអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី សមាជិកគណៈអចិន្ត្រៃយ៍គណៈកម្មាធិការកណ្ដាល ប្រធានក្រុមការងារគណបក្សចុះមូលដ្ឋានខេត្តបន្ទាយមានជ័យ និងលោកជំទាវឧកញ៉ា អគ្គមហាឧបាសិកាពុទ្ធសាសនូបត្ថម្ភក៍បណ្ឌិត ម៉ៅ ម៉ាល័ ពីផ្លូវជាតិលេខ៥៦ ពីឃុំស្វាយចេក ទៅឃុំតាផូ ដែលមានទទឹង ៦ម៉ែត្រ បណ្តោយប្រវែង ១១គីឡូម៉ែត្រ ដែលបានរងការខូចខាតពីគ្រោះទឹកជំនន់ក្នុងឆ្នាំ២០២២ ។
ការបើកការដ្ឋាននេះមានការអញ្ជើញចូលរួម ពី លោក លឿង សុភក្តិ ប្រធានគណៈកម្មាធិការគណបក្សស្រុកស្វាយចេក លោក ដា តឹង ក្រុមប្រឹក្សាស្រុកស្វាយចេក លោក តាន់ គឹមហួត អគ្គនាយកប្រធាន អនុប្រធានក្រុមការងារចុះជួយឃុំតាផូ និងប្រធានសមាជិកសមាជិការបក្សចុះជួយស្រុកស្វាយចេកច្រើនរូប ៕
