ខេត្តបន្ទាយមានជ័យ ៖ ក្រោយពីប្រកាសចូលកាន់តំណែងជាអភិបាល នៃគណៈអភិបាលក្រុងប៉ោយប៉ែតក៏ដូចជាការប្តេជ្ញាចិត្តកាលពីម្សិលមិញនេះ នៅព្រឹកថ្ងៃទី១២ ខែធ្នូ ឆ្នាំ២០១៧នេះដែរ លោក សាន ស៊ានហូ អភិបាលក្រុងប៉ោយប៉ែត បានអញ្ជើញចុះកាត់ខ្សែបូណ៍ បើកការដ្ឋានកសាងផ្លូវបេតុងមួយកន្លែងនៅចំណុចខាងត្បូងផ្លូវជាតិលេខ៥ ស្ថិតនៅក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ជាចំណងដៃថ្ងៃចូលកាន់តំណែងជាអភិបាលនៃគណៈអភិបាលក្រុង ជូនដល់ប្រជាពលរដ្ឋដើម្បីងាយស្រួលក្នុងការធ្វើតំណើរ។
សូមជំរាបដែរថា៖ផ្លូវមួយខ្សែនេះបានតភ្ជាប់ពីផ្លូវជាតិលេខ៥ ឆ្ពោះទៅបូរី សុខា រ៉េស៊ីដិន ដោយចាក់បេតុង ដែលមានប្រវែងជាង៣០០ម៉ែត្រ ទទឹង១៥ម៉ែត្រ(សាច់បេតុង១០ម៉ែត្រ)។បន្ទាប់ពីនេះលោកអភិបាលក្រុងថ្មីបានដឹងនាំកម្លាំងសមត្ថកិច្ចចំរុះរួមទាំងរថយន្តដឹកទឹកជាច្រើនគ្រឿងធ្វើការបាញ់លាងនិងបោសសំអាតធូលីនិងសំរាមតាមដងផ្លូវជាតិលេខ៥ ដើម្បីកែលម្អរសោភ័ណភាពក្រុងប៉ោយប៉ែត។ជាមួយគ្នានេះដែលនៅល្ងាចថ្ងៃខែដដែរលោកអភិបាលក្រុងក៏បានអញ្ជើញជាអធិបតីក្នុងពីធីសម្ភោធបើកជាផ្លូវការ«គំរោងអភិវឌ្ឍន៍ សុខា រ៉េស៊ីដិន»។
នៅក្នុអង្កពិធីនោះដែរលោកអភិបានក្រុងបានមានប្រសាសន៍សំណេះសំណាល ផ្តាំផ្ញើនិងផ្តល់អនុសាសន៍ល្អៗដល់មន្ត្រីរាជការ បងប្អូនប្រជាពលរដ្ឋ អាវជីរក កម្មករ ដែលមានលទ្ធភាពគួរទិញនូវផ្ទះ(បូរី)ទុកទាន់មានឱកាសនិងតំលៃក៏ថោកសមរំផងដែរ បើទុកបន្តិចទៀតផ្ទះ(បូរី)ទាំងនេះនឹងអាចឡើងតំលៃខ្ពស់ជាក់ជាមិនខាន ពីព្រោះក្រុងប៉ោយប៉ែតកំពុងតែមានការអភិវឌ្ឍន៍។
បន្ទាប់ពីសំណេះសំណាលនិងផ្តល់អនុសាសន៍ល្អៗដល់មន្ត្រីរាជការ បងប្អូនប្រជាពលរដ្ឋ អាវជីរក កម្មករ រួចមកលោកក៏បានទាញទំលាក់ស្បៃស្លាក់យេហោដើម្បីបើកសម្ភោធជាផ្លូវការនូវក្រុមហុន«គំរោងអភិវឌ្ឍន៍ សុខា រ៉េស៊ីដិន»។បន្ទាប់ពីនេះលោកអភិបាលក្រុងបានអញ្ជើញចូលពិនិត្យមើលនៅក្នុងក្រុមហ៊ុនរួចពិសារភោជនីអាហារជាកិច្ចបញ្ចប់នៃកម្មវិធី៕
