ស្នងការដ្ឋាននគរបាលខេត្តបាត់ដំបង មានអញ្ញាតជន យករូបភាពនិងឈ្មោះថ្នាក់ដឹកនាំស្នងការទៅបង្កេីតជាគណនីហ្វេសប៊ុកក្លែងក្លាយក្នុងបណ្តាញទំនាក់ទំនងសង្គម
ខេត្តបាត់ដំបង៖ បេីយោងតាមប្រភពព័ត៌មានពីផេកហ្វេសប៊ុកផ្លូវការរបស់ស្នងការដ្ឋាននគរបាលខេត្តបាត់ដំបង បានឱ្យដឹងនៅរសៀលថ្ងៃសុក្រទី១៧ ខែកុម្ភៈ ឆ្នាំ២០២៣នេះ បានចេញសេចក្តីប្រកាសព័ត៌មាន របស់អ្នកនាំពាក្យនៃស្នងការដ្ឋាននគរបាលខេត្តបាត់ដំបង ចំពោះអញ្ញាតជន ដែលយករូបភាពនិងឈ្មោះថ្នាក់ដឹកនាំស្នងការទៅបង្កេីតជាគណនីហ្វេសប៊ុកក្លែងក្លាយក្នុងបណ្តាញទំនាក់ទំនងសង្គម។
ជាក់ស្ដែងយោងតាមសេចក្ដីប្រកាសព័ត៌មានរបស់ស្នងការដ្ឋាននគរបាលខេត្តបាត់ដំបង បានបញ្ជាក់ថា អ្នកនាំពាក្យនៃស្នងការដ្ឋាននគរបាលខេត្តបាត់ដំបងមានកិត្តិយសសូមជម្រាបជូនសាធារណជនអ្នកសារ ព័ត៌មាន ពិសេសបងប្អូនដែលនិយមប្រើប្រាស់បណ្តាញទំនាក់ទំនងសង្គមបានជ្រាបថា ថ្មីៗនេះមានជនមិន ស្គាល់អត្តសញ្ញាណបានបង្កើតគណនីហ្វេសប៊ុកមួយដោយយករូបភាព និងឈ្មោះរបស់ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ទៅប្រើប្រាស់ដោយគ្មានការអនុញ្ញាត ។
ផ្ដើមពីបញ្ហានេះក្រុមការងារបានធ្វើការទំនាក់ទំនងទៅកាន់ម្ចាស់គណនីខាងលើដើម្បីធ្វើការបំភ្លឺនិងឆ្លើយ តប ប៉ុន្តែរហូតមកដល់ពេលនេះ ម្ចាស់គណនីខាងលើ មិនបានឆ្លើយតបចំពោះសមកម្មភាពរបស់ខ្លួននោះទេ។ តាមរយៈការពិនិត្យជាក់ស្តែងអាចវាយតម្លៃបានថា ការបង្កើតគណនីក្លែងក្លាយបែបនេះ ពិតជាមាន បំណងមិនល្អណាមួយនៅក្នុងបណ្តាញទំនាក់ទំនងសង្គម។
ដើម្បីចៀវវាងនូវការភាន់ច្រឡំពីមជ្ឈដ្ឋានមហាជនទូទៅ ជាពិសេសចំពោះអ្នកនិយមប្រើប្រាស់បណ្តាញ សង្គមដោយសារសកម្មភាពរបស់ម្ចាស់គណនីប្រើប្រាស់ក្នុងរូបភាពទុច្ចរិតណាមួយ អ្នកនាំពាក្យនៃស្នងការដ្ឋាន នគរបាលខេត្តបាត់ដំបង ស្នើឱ្យម្ចាស់គណនីខាងលើ បញ្ឈប់ជាបន្ទាន់ចំពោះសកម្មភាពយករូបភាពនិងឈោ្មះ លោកឧត្តមសេនីយ៍ទោស្នងការ ទៅបង្កើតគណនីក្លែងក្លាយបែបនេះ ហើយក្នុងករណីម្ចាស់គណនីនៅតែបន្ត សកម្មភាពបែបនេះទៀតនោះ សមត្ថកិច្ចនគរបាលនឹងចាត់វិធានការស្របតាមនីតិវិធី និងច្បាប់ជាធរមានចំពោះ ម្ចាស់គណនី ។
ម៉្យាងទៀតក៏ជាការជូនដំណឹងចំពោះមហាជនទូទៅ ដែលលោកនិយមប្រើប្រាស់បណ្តាញសង្គមសូមកុំ ឱ្យមានការភាន់ច្រឡំចំពោះគណនីមួយនេះ ក្នុងករណីម្ចាស់គណនីខាងលើធ្វើសកម្មភាពណាមួយ សូមផ្ដល់ព័ត៌ មានជាបន្ទាន់មកសមត្ថកិច្ចនគរបាលនៃស្នងការដ្ឋាននគរបាលខេត្តបាត់ដំបង។
អាស្រ័យដូចបានជម្រាបជូនខាងលើសូមសាធារណជន អ្នកសារព័ត៌មាន និងបងប្អូនអ្នកនិយម ប្រើប្រាស់បណ្តាញសង្គម មេត្តាជ្រាបជាព័ត៌មាន សូមអរគុណ៕
ដោយ៖សហការី
