នៅព្រឹកថ្ងៃទី១៧ខែកុម្ភៈឆ្នាំ២០២៣ លោកឧត្តមសេនីយ៍ត្រី ប៉ាង ឡេងនាយប៉ុស្តិ៍នគរបាលអន្តោប្រវេសន៏ច្រកទ្វារព្រំដែនអន្តរជាតិព្រៃវល្លិ៍ អមរួមដំណើរជាមួយ លោកឧត្តមសេនីយ៏ត្រី ស្នងការនគរបាលខេត្តស្វាយរៀង បានអញ្ជើញចូលរួមក្នុងពិធីក្រុងពាលីបញ្ចុះបឋមសិលាសាងសង់អគារថ្មី ប៉ុស្តិ៍នគរបាលរដ្ឋបាលសំឡី នៃអធិការដ្ឋាននគរបាលស្រុកកំពង់រោទិ៍។
សូមបញ្ជាក់ផងដែរថាអគារប៉ុស្តិ៍នគរបាលរដ្ឋបាលឃុំសំឡី ថ្មី ដែលចាប់ដំណើរសាបនាសាងសង់នេះមានទទឹង៥ម៉ែត្រ២តឹកនិងបណ្តោយ១៣ ម៉ែត្រ៥០  ចំណាយថវិកាសាងសង់ចំនួន១ម៉ឺន៥ពាន់ដុល្លា ជាអំណោយរបស់លោកឧត្តមសេនីយ៍ត្រី ប៉ាង ឡេង នាយប៉ុស្តិ៍ច្រកទ្វារព្រំដែនអន្តរជាតិព្រៃវល្លិ៍ និងលោកជំទាវ ។
  ថ្លែងមានប្រសាសន៏នាឪកាសនោះលោកឧត្តមសេនីយ៍ត្រី ពេជ្រ វីរៈ បានណែនាំដល់ក្រុមការងារសាងសង់ ត្រូវស្ថាបនាឲ្យបានត្រឹមត្រូវទៅតាមគម្រូប្លង់ និងរចនាបទ ដើម្បីធានាដល់ការប្រើប្រាស់និងបង្ហាញអត្តសញ្ញាណជូនដល់ពលរដ្ឋបានយល់ពីរចនាបទរបស់ខ្មែរដែលបុព្វបុរសបានបន្សល់ទុកឲ្យកូនចៅជំនាន់ក្រោយបានយល់ជ្រូតជ្រាបនៃការការពារនិងកសាងទឹកដីរបស់ពលរដ្ឋកម្ពុជាពីអតីតកាល។
   ជាមួយគ្នានោះដែរក្នុងនាមរដ្ឋបាលខេត្តលោកស្នងការនគរបាលខេត្ត បានសំដែងអបអរសាទរ ចំពោះលោកឧត្តមសេនីយ៏ត្រី ប៉ាង ឡេង និងលោកជំទាវដែលបានផ្តល់ថវិកាកសាងអគារប៉ុស្តិរដ្ឋបាលនៅថ្ងៃនេះគឺជាការចូលរួមផ្តល់ទីកន្លែងសម្រាប់មន្ត្រីនគរបាលបំរើការងារនិងផ្តល់សេវាសន្តិសុខជូនពលរដ្ឋនៅក្នុងតំបន់។
  ជាមួយគ្នានោះដែរលោកឧត្តមសេនី៏យ៏ត្រីនូវបានផ្ដាំផ្ញើរដល់កងកម្លាំងប៉ុស្តិ៍រដ្ឋបាលបន្ទាប់ពីទទួលបានកន្លែងធ្វើការងារថ្មី និងកន្លែងស្នាក់នៅ ត្រូវមានមុខប្រចាំការ រួមនិងពង្រឹងសមត្ថភាពក្នុងការថែរក្សាសន្តិសុខ សុវត្ថិភាព សណ្តាប់ធ្នាប់ ជូនប្រជាពលរដ្ឋអោយបានម៉ឺងម៉ាត់តាមបទបញ្ជារបស់គណៈបញ្ជាការឯកភាពខេត្ត។