កិច្ចប្រជុំសាមញ្ញលើកទី៤៤ របស់ក្រុមប្រឹក្សាខេត្តកែប អាណត្តិទី៣
(ខេត្តកែប)៖ កាលពីរសៀលថ្ងៃទី១៤ ខែកុម្ភៈ ឆ្នាំ២០២៣ ឯកឧត្តម សំ សារីន ប្រធានក្រុមប្រឹក្សាខេត្តកែប បានអញ្ចេីញដឹកនាំកិច្ចប្រជុំសាមញ្ញលើកទី៤៤ របស់ក្រុមប្រឹក្សាខេត្តកែប អាណត្តិទី៣ ក្រោមវត្តមានអញ្ចេីញចូលរួមពីសំណាក់ ឯកឧត្តម បណ្ឌិត សោម ពិសិដ្ឋ អភិបាល នៃគណៈអភិបាលខេត្ត។
ក្នុងនាមជាប្រធាន ដឹកនាំកិច្ចប្រជុំនារសៀលនេះ ឯកឧត្តម សំ សារីន បានលេីកយកនូវរបៀបវារៈចំនួន០៧ ដើម្បីដាក់ជូនអង្គប្រជុំ ពិនិត្យ ពិភាក្សា និងអនុម័ត ៖
១- ពិនិត្យ ពិភាក្សា និងអនុម័តលើសេចក្ដីព្រាងកំណត់ហេតុកិច្ចប្រជុំសាមញ្ញលើកទី៤៣ របស់ក្រុមប្រឹក្សាខេត្ត អាណត្តិទី៣ កាលពីថ្ងៃចន្ទ ១០រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែមករា ឆ្នាំ២០២៣
២- របាយការណ៍វឌ្ឍនភាពរបស់គណ:កម្មាធិការនានារបស់ក្រុមប្រឹក្សាខេត្ត៖
- គណៈកម្មាធិការលទ្ធកម្ម
- គណ:កម្មការសុរិយោដីខេត្ត
- គណៈកម្មាធិការពិគ្រោះយោបល់កិច្ចការស្ត្រី និងកុមារ
- របាយការណ៍ប្រចាំខែរបស់ការិយាល័យប្រជាពលរដ្ឋ របស់រដ្ឋបាលខេត្ត
៣- ពិនិត្យ ពិភាក្សា និងអនុម័តសេចក្តីព្រាងសៀវភៅកម្មវិធីបិនិយោគបីឆ្នាំរំកិល(២០២៣-២០២៥)
៤- ពិនិត្យ ពិភាក្សា និងអនុម័តសេចក្ដីព្រាងប្រតិទិនការងារកសាងកម្មវិធីវិនិយោគបីឆ្នាំរំកិល(២០២៤-២០២៦) របស់រដ្ឋបាលខេត្ត
៥- សេចក្ដីព្រាងរបាយការណ៍ ស្ដីពី សកម្មភាពសំខាន់ៗ ដែលបានអនុវត្តន៍ដោយ គណៈអភិបាលខេត្ត ក្នុងចន្លោះកិច្ចប្រជុំសាមញ្ញលេីកទី៤៣ ដល់កិច្ចប្រជុំសាមញ្ញលេីកទី៤៤ របស់ក្រុមប្រឹក្សាខេត្ត
៦- ពិនិត្យ ពិភាក្សា និងអនុម័តលេីសេចក្ដីព្រាងរបាយការណ៍បូកសរុបលទ្ធផលការងារប្រចាំខែមករា និងលើកទិសដៅអនុវត្តខែបន្ទាប់ របស់រដ្ឋបាលខេត្ត
៧- បញ្ហាផ្សេងៗ។
ក្នុងកិច្ចប្រជុំនារសៀលនេះដែរ ក៏មានការអញ្ចេីញចូលរួមពីសំណាក់ លោក លោកស្រី សមាជិក សមាជិកា ក្រុមប្រឹក្សាខេត្ត លោក លោកស្រី អភិបាលរងខេត្ត នាយក នាយករងរដ្ឋបាលសាលាខេត្ត នាយក នាយិកាទីចាក់ការអង្គភាពសាលាខេត្ត ប្រធានការិយាល័យប្រជាពលរដ្ខខេត្ត ប្រធានមន្ទីរអង្គភាពពាក់ព័ន្ធ មន្ត្រីព័ត៌មានរដ្ឋបាលខេត្ត និងមន្ត្រីទទួលបន្ទុកបូកសរុបរបាយការណ៍ផងដែរ៕ សេង ណារិទ្ធ
