ក្រុងតាខ្មៅ៖ នារសៀល ថ្ងៃអង្គារ ៩រោច ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែកុម្ភៈ ឆ្នាំ២០២៣ ឯកឧត្តម គង់ សោភ័ណ្ឌ ប្រធានសហភាពសហព័ន្ធយុវជនកម្ពុជាខេត្តកណ្ដាល បានដឹកនាំសមាជិក សមាជិកា សហភាពសហព័ន្ធយុវជនកម្ពុជាខេត្តកណ្តាល ប្រមាណជាង ៣០០នាក់ ចូលរួមបរិច្ចាគឈាមដោយស្ម័គ្រចិត្តដើម្បីសង្គ្រោះជីវិត ដែលរៀបចំដោយសហភាពសហព័ន្ធយុវជនកម្ពុជាខេត្តកណ្ដាល នៅមន្ទីរពេទ្យបង្អែកជ័យជំនះក្រុងតាខ្មៅ ខេត្តកណ្ដាល នៅថ្ងៃទិវាបុណ្យនៃក្ដីស្រលាញ់ ១៤ កុម្ភ: ។     

ថ្ងៃទី១៤ កុម្ភៈ បុណ្យនៃសេចក្ដីស្រឡាញ់ នេះដែរ ឯកឧត្តម បានជូនពរ ដល់អ្នកមានគុណ ក្រុម គ្រួសារ បងប្អូនជនរួមជាតិ បងប្អូន ពូមីង យាយតា មិត្តភក្តិ ជាទីស្រឡាញ់ សូមឱ្យមាន សុខភាពល្អ អាយុវែង ជៀសឆ្ងាយពីជំងឺចង្រៃទាំងឡាយ រកសុីមានបានជោគជ័យគ្រប់ភារកិច្ច ក្រោមម្លប់នៃសុខសន្តិភាព និងការអភិវឌ្ឍ៕