នាអំឡុងពេលថ្មីៗនេះ នៅក្នុងវត្តតាបស់ ដែលស្ថិតនៅក្នុងភូមិតាបស់ ឃុំស្តៅ ស្រុកសង្គមថ្មី ខេត្តព្រះវិហារ បានប្រារឰពិធីដង្ហែព្រះគម្ពីរត្រៃយ៍បីដក ដែលមានព្រះគ្រូព្រះចៅអធិការវត្តតាបស់ ព្រះនាម កែវ មនោ លោកគ្រូធម្មចារ្យ ថូ ចន្ធី ប៉ុស្តិ៍វិទ្យុខេត្តព្រះវិហារ ឱបាសក នួន សុភ័ណ្ឌ នៅគូលែនខាងជើង, ឧបាសក រស់ ចន្តាវី, ឧបាសក ពីន វណ្ណា, លោក ពៅ សាមុត មេឃុំស្តៅ, លោក ដែង វៀត មេភូមិតាបស់ លោក ឃុន ខេង មេភូមិសុច លោក គឹម វុទ្ធី គណៈកម្មការអាចារ្យវត្តតាបស់ លាក ថោង រី គណៈកម្មាធិការវត្ត ព្រមទាំងព្រះសង្ឃនិមន្តមកពី ភ្នំពេញ មកពីខេត្តព្រះវិហារ និងពុទ្ធបរិស័ទចំណុះជើង អញ្ជើញមកតាមបណ្តាខេត្តនានាជាច្រើនទៀតបានអញ្ជើញ ចូលរួម ។
ក្រោយពីប្រារឰធ្វើពិធីសូត្រមន្ត ថ្វាយបង្គំព្រះគម្ពីរព្រះត្រៃយ៍បីដក់ នមាសសិការសីល និងឧទ្ទិសរួចមក កម្មវិធីដង្ហែព្រះគម្ពីរព្រះត្រៃយ៍បី៎ដក់ បានចាប់ផ្តើមដោយមានព្រះតេជគុណ កែវ មនោ និងលោកអាចារ្យ គណៈកម្មាធិការវត្ត លោកមេឃុំ មេភូមិ ព្រមទាំងព្រះសង្ឃ លោកតាជី យាយជី និងពុទ្ធបរិស័ទ្ធទាំងប្រុស ទាំងស្រី ទាំងចាស់ក្មេង ចូលរួមដង្ហែយ៉ាងអធិកអធម សប្បាយរីករាយក្រៃលែង ទោះបីជាស្ថិតនៅក្រោមកំដៅព្រះអាទិត្យ យ៉ាងណាក្តី ប៉ុន្តែភាពរីករាយនៅមានជានិច្ច ដោយម្នាក់ៗពេញដោយជំនឿលើព្រះគម្ពីរព្រះត្រៃយ៍បីដកល់ដែលជា សាសនារបស់រដ្ឋ ។ កម្មវិធីនេះបានបញ្ចប់ដោយភាពរីករាយក្រៃលែង ៕
ដោយ ៖ ឯក កៅ
