លោក តូច ប៉ូលីវ៉ា អនុប្រធាន សសយក ខេត្តស្វាយរៀង និងជាប្រធានក្រុមការងារ សសយក នាំយកនូវទេយ្យទាន និងបច័្ចយ ចូលរួមរំលែកទុកជាមួយគ្រួសារសព នៅឃុំខ្សែត្រ ស្រុកកំពង់រោទិ៍
ខេត្ដស្វាយរៀង៖ថ្ងៃសុក្រ ១៣កេីត ខែមាឃ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី៣ ខែកុម្ភៈ ឆ្នាំ២០២៣ លោក តូច ប៉ូលីវ៉ា អនុប្រធាន សសយក ខេត្តស្វាយរៀង និងជាប្រធានក្រុមការងារ សសយក ចុះជួយស្រុកកំពង់រោទិ៍ តំណាងលោក ឌី វិជ្ជា ប្រធានសសយកខេត្ត ដោយមានការចូលរួមពី លោក លោកស្រី អនុប្រធានក្រុមការងារ សសយក ចុះជួយស្រុកកំពង់រោទិ៍ លោក លោកស្រី សមាជិក សមាជិកា ក្រុមការងារ សសយក ចុះជួយស្រុក បានអញ្ជើញនាំយកនូវទេយ្យទាន និងបច័្ចយ ចូលរួមរំលែកទុកជាមួយគ្រួសារសព ឧបាសក តី ស៊ីប ដែលបានទទួលមរណៈភាព នៅថ្ងៃទី២ ខែកុម្ភៈ ឆ្នាំ២០២៣ វេលាម៉ោង ០៩៖១៥នាទី ដោយរោគាពាធ ក្នុងជន្មាយុ ៦៧ឆ្នាំ ដែលត្រូវជាឪពុកបង្កើតរបស់លោក តាក់ កល្យាណប្រធានគណៈកម្មាធិការ សសយក ស្រុកកំពង់រោទិ៍ រស់នៅក្នុងភូមិកណ្តាល ឃុំខ្សែត្រ ស្រុកកំពង់រោទិ៍ ខេត្តស្វាយរៀង ។
ក្នុងវេលាប្រកបដោយក្តីខ្សឹកខ្សួលរំជួលចិត្តជាអនេកនេះ លោក តូច ប៉ូលីវ៉ា សូមសម្តែងនូវក្តីក្រៀមក្រំពោរពេញដោយក្តីសោកស្តាយស្រណោះអាឡោះអាល័យបំផុតជាមួយ លោក តាក់ កល្យាណ ព្រមទាំងក្រុមគ្រួសារ និងសាច់សារលោហិតទាំងអស់ ចំពោះការបាត់បង់នូវ ឪពុក ជីតា បងប្អូន ជាទីស្រលាញ់ព្រមទាំងជាម្លប់ដ៏ត្រជាក់កក់ក្តៅ មានកត្តញ្ញូតាធម៌ ព្រហ្មវិហារធម៌ របស់ក្រុមគ្រួសារ និងបានអុជធួកបួងសួងដល់វត្ថុស័ក្តិសិទ្ធិក្នុងលោក និងតេជៈបរមីនៃព្រះពុទ្ធ ព្រះធម៌ ព្រះសង្ឃ តាមជួយបីបាច់ថែរក្សាដល់ដួងវិញ្ញាណក្ខន្ធរបស់ ឧបាសក តី ស៉ីប សូមបានចាប់បដិសន្ធិ និងសោយសុខក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ ៕
