តំណាងឯកឧត្តម ឌី វិជ្ជា បាននាំយកទេយ្យទាន និងបច័្ចយ ចូលរួមរំលែកទុក្ខក្រុមគ្រួសារសពលោក សួស ភិរុណ
(ស្វាយរៀង): នោថ្ងៃទី៣០ ខែមករា ឆ្នាំ២០២៣ លោក តូច ប៉ូលីវ៉ា អនុប្រធាន សសយក ខេត្តស្វាយរៀង តំណាងឯកឧត្តម ឌី វិជ្ជា ប្រធាន សសយក ខេត្ត និងមានការចូលរួមពីលោក រាណ សុវណ្ណារិទ្ធិ សមាជិកអចិន្រ្តយ៍ សសយក ខេត្ត បានអញ្ជើញនាំយកនូវទេយ្យទាន និងបច័្ចយ ចូលរួមរំលែកទុក្ខជាមួយក្រុមគ្រួសារសពលោក សួស ភិរុណ ដែលបានទទួលមរណៈភាព កាលពីនៅថ្ងៃទី២៨ ខែមករាឆ្នាំ២០២៣ ដោយរោគាពាធ ក្នុងជន្មាយុ ៣៥ឆ្នាំ ដែលត្រូវជាស្វាមីរបស់លោកជំទាវ អ៊ុង វ៉ែនពិសី ស្ថិតនៅក្នុងភូមិតារាល់បាល់ សង្កាត់គយត្របែក ក្រុងស្វាយរៀង ខេត្តស្វាយរៀង។
លោក តូច ប៉ូលីវ៉ា បានសម្តែងការចូលរួមសោកស្តោយ ជាមួយក្រុមគ្រួសារនៃសព ព្រមទាំងសាច់សារលោហិតទាំងអស់ និងបួងសួងដល់វត្ថុស័ក្តិសិទ្ធិក្នុងលោកតាមជួយបីបាច់ថែរក្សាដួងវិញ្ញាណក្ខន្ធ លោក សួស ភិរុណ បានចាប់បដិសន្ធិ សោយសុខក្នុងសុគតិភព កុំបីឃ្លៀងឃ្លាតឡើយ៕ 
