ឧត្តមសេនីយ៍ត្រី សឹង្ហ ទុំ មេបញ្ជាការរ កងពលតូចថ្មើរជើងលេខ៥១ អញ្ជើញដឹកនាំនាយទាហានទស្សនកិច្ចសិក្សាអង្គភាពវរសេនាតូចថ្មើរជើងលេខ៥១៤នៅស្រុកថ្មពួក
ខេត្តបន្ទាយមានជ័យ៖ នៅព្រឹកថ្ងៃចន្ទ ៩ កើត ខែមាឃ ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី៣០ ខែមករា ឆ្នាំ២០២៣នេះលោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ បានអញ្ជើញដឹកនាំ នាយទាហាន ចំណុះទីបញ្ជាការកងពល ចុះធ្វើទស្សនកិច្ចសិក្សា ការងារកសាងពង្រឹងអង្គភាពរឹងមាំលើគ្រប់វិស័យ អង្គភាពវរសេនាតូចថ្មើរជើងលេខ៥១៤ ស្ថិតនៅទីបញ្ជាការ វរសេនាតូច ភូមិថ្មដែកកេះ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។
អញ្ជើញចូលរួមមាន លោកមេបញ្ជាការរងកងពល លោកនាយសេនាធិការរង ចំណុះកងពល ផ្នែកជំនាញ និងនាយទាហានដែលមានការពាក់ព័ន្ធ។
លោកមេបញ្ជាការ កងពល បានអញ្ជើញទស្សនាតាមខ្លឹមសារនីមួយៗ និងបានថ្លែងកោតសរសើរដល់អង្គភាព ដែលបានខិតខំយកចិត្តទុកដាក់អនុវត្តតាមផែនការដែលថ្នាក់លើប្រគល់ជូន និងអនុវត្តតួនាទីភារកិច្ច ប្រកបដោយការទទួលខុសត្រូវខ្ពស់ តាមផែនការ កសាងអង្គភាពរឹងមាំលើគ្រប់វិស័យ។
ក្នុងនោះដែរ ឧត្តមសេនីយត្រី សឹង្ហ ទុំ បានដាក់ផែនការ ឱ្យគ្រប់អង្គភាពបន្តខិតខំការងារកសាងហេដ្ឋារចនាសម្ព័ន្ធ ការងារបង្កបង្កើនផល និងចិញ្ចឹមសត្វ បន្ថែមលើគោលរបបហូបប្រចាំថ្ងៃ ក៏ដូចជាគ្រួសារយោធិនជួបការលំបាក និងមួយចំនួនលើសតម្រូវការ លក់ទៅទីផ្សារ សន្សំថវិកា កសាងក្នុងអង្គភាពនីមួយៗឲ្យកាន់តែល្អប្រសើរ។
ក្រៅពីនោះត្រូវបន្តតាមដានយកចិត្តទុកដាក់ ពង្រឹងកម្លាំងត្រៀមអន្តរាគមន៍ ទាំងកម្លាំង មធ្យោបាយ សម្ភារ ឲ្យបានជាប់ជាប្រចាំ ដើម្បីធានាបាននូវការជួយសង្រ្គោះ ប្រជាពលរដ្ឋ រងគ្រោះដោយបាតុភូតធម្មជាតិផ្សេងៗបានទាន់ពេលវេលា និងរាយការណ៍តាមឋាននុក្រម ចុះជួយភ្លាមៗ មិនថាយប់ឬថ្ងៃធានាបាននូវការជួយសង្គ្រោះបានទាន់ពេលវលា ជាពិសេសត្រូវបន្តអនុវត្តវិធានការ ៣កុំ ៣ការពារ និងវិធានការសុខាភិបាល ដើម្បីការពារការឆ្លងរីករាលដាលជំងឺកូវីដ-១៩ ចូលក្នុងអង្គភាព និងសហគមន៍៕
