“មានសន្តិភាពទើបមានការអភិវឌ្ឍន៍”ពិធីបើកការដ្ឋានគម្រោងកែលម្អផ្លូវដីក្រាលថ្មបំបែកមានប្រវែង៦,២៤០ម៉ែត្រនៅ ភូមិអង្គពក ភូមិ ត្រពាំងកណ្ដាល នឹងព្រៃបឹង ឃុំ ម៉ឺនជ័យ ស្រុករំដួលខេត្តស្វាយរៀង !
(ស្វាយរៀង):នៅព្រឹកថ្ងៃពុធ ៤ កើត ខែមាឃ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី២៥ ខែមករា ឆ្នាំ២០២៣
នេះ លោក ហែម ស៊ីណា អភិបាលនៃគណៈអភិបាល ស្រុករំដួល
បានអញ្ជើញជាអធិបតីភាពនៅក្នុងពិធីបើកការដ្ឋានគម្រោងកែលម្អផ្លូវដីក្រាលថ្មបំបែក ប្រវែង៦,២៤០ម៉ែត្រនឹងមាន ទទឹង៣,៥ម៉ែត្រ ដែលមានកម្រាស់ ០,១៥ម៉ែត្រដាក់លូទោលកាត់ផ្លូវមុខកាត់ ០,៦០ម៉ែត្រ ២កន្លែងនិងចាប់ពីភូមិ អង្គរពក ភូមិ ត្រពាំងកណ្ដោល នឹង ភូមិព្រៃបឹង ឃុំម៉ឺនជ័យ ស្រុករំដួលខេត្តស្វាយរៀង ។
ពិធីនេះមានការអញ្ជើញចូលរួមពីក្រុមការងារស្រុកនិងមន្ដ្រីបច្ចេកទេសប្រចាំស្រុករំដួល,ក្រុមហ៑ុនដែលម៉ៅការកសាងផ្លូវ លោក មេឃុំ លោក មេភូមិ នឹងបងប្អូនប្រជាពលរដ្ឋជាច្រើននាក់ទៀតផងដែរ ។
មានប្រសាសន៍ក្នុងពិធីនោះ លោក ហែម ស៊ីណា អភិបាលស្រុកក៏បានបញ្ជាក់ឲ្យដឹងថា អាជ្ញាធ៊រខេត្តស្រុកក៏ដូចជាអាជ្ញាធរឃុំ តែងតែយកចិត្តទុកដាក់ជាប់ជានិច្ចចំពោះទុក្ខកង្វល់របស់បងប្អូនប្រជាពលរដ្ឋនៅក្នុងមូលដ្ឋានជានិច្ចដូចជាបញ្ហា ផ្លូវ ទឹក ភ្លើង នឹងបញ្ហាការធ្វើដំណើរនៅលើដងផ្លូវឆ្លងកាត់ទៅវិញទៅមកជាពិសេសនោះទៅទៀត ក្រោមការដឹកនាំ របស់រាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែនជានាយករដ្ឋមន្ត្រីនៃព្រះរាជាណាចក្រកម្ពុជានឹង ជាប្រមុខដឹកនាំដ៏ឈ្លាសវៃ ដោយសម្ដេច តែងតែយកចិត្តទុកដាក់ចំពោះបងប្អូនប្រជាពលរដ្ឋគ្រប់មូលដ្ឋានទាំងអស់ ។
ជាកិច្ចបញ្ចប់នៃពិធីនេះ លោកអភិបាលក៏បានបន្តទៀតថាសូមឱ្យបងប្អូនប្រជាពលរដ្ឋទាំងអស់គ្នា ពេលបានផ្លូវល្អហើយងាយស្រួលក្នុងការធ្វើដំណើរ សូមបងប្អូនជួយចូលរួមថែរក្សាឲ្យបានគង់វង្សទាំងអស់គ្នា ព្រោះផ្លូវទាំងនេះជាផ្លូវរបស់យើងទាំងអស់គ្នា មិនមែនជាផ្លូវរបស់បុគ្គលណាម្នាក់ឡើយ និងត្រូវចូលរួមគោរពច្បាប់ចរាចរណ៍ ទាំងអស់គ្នាដើម្បីកាត់បន្ថយនូវការគ្រោះថ្នាក់ចរាចរណ៍ នឹងត្រូវអនុវត្តគោលនយោបាយភូមិឃុំមានសុវត្ថិភាពទាំង៧ចំណុចរបស់រាជរដ្ឋាភិបាលដែលបានដាក់ចេញនឹងជាពិសេសទៀតនោះគឺនៅថ្ងៃខាងមុខនៅសល់តែប៉ុន្មានខែទៀតនោះទេនឹងត្រូវថ្ងៃបោះឆ្នោតជ្រើសរើសតំណាងរាស្ត្រហើយសូមបងប្អូនអញ្ជើញទៅបោះឆ្នោតឱ្យបានគ្រប់ៗគ្នាកុំបីខាន។ (សូមអរគុណ)
