លោកឧត្តមសេនីយ៍ទោ សាត គឹមសាន ពិនិត្យការចាក់ដី រៀបចំសាងសង់អាគារទីស្នាក់ការរបស់សមាគមអតីតយុទ្ធជនកម្ពុជាខេត្តបាត់ដំបង…
បាត់ដំបង ៖នៅព្រឹកថ្ងៃទី២៣ ខែ មករា ឆ្នាំ២០២៣ លោក ឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានពិនិត្យការចាក់ដីសម្រាប់រៀបចំសាងសង់អគារទីស្នាក់ការរបស់សមាគមអតីតយុទ្ធជនកម្ពុជា ខេត្តបាត់ដំបងចំនួន០១ខ្នងដែលមានទំហំ ២៨ម៉ែត្រគុណនឹង៣០ម៉ែត្រស្ថិតនៅភូមិបែកចានថ្មី សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង។
សូមជម្រាបជូនថា លោកឧត្តមសេនីយ៍ទោ សាត គឹមសាន ត្រូវបានថ្នាក់ដឹកនាំប្រកាសឱ្យទទួលដឹកនាំសមាគមអតីតយុទ្ធជនកម្ពុជា ខេត្តបាត់ដំបង(ស.អ.ក) កាលពីថ្ងៃទី៦ខែមករាឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ឯកឧត្តម នាយឧត្ដមសេនីយ៍ កិត្តិសង្គហបណ្ឌិ ត គន់ គីម អនុប្រធាន និងជាអគ្គលេ ខាធិការសមាគមអតីតយុទ្ធជនកម្ពុជា។
ការទទួលដឹកនាំលេីការងារសមាគមអតីតយុទ្ធជនកម្ពុជាខេត្តបាត់ដំបង (ស.អ.ក)នៅពេលនេះគឺជាភារកិច្ចថ្មីបន្ថែមទៀតលេីការទទួលដឹកនាំលើផ្នែកជំនាញក្នុងស្នងការដ្ឋាននគរបាលខេត្តបាត់ដំបង ហេីយជាចំណុចចំបងក្នុងការងារនេះគឺលោកបានជម្រុញឱ្យកិច្ចដំណើរការស្ថាបនាសាងសង់អាគារទីស្នាក់ការរបស់សមាគម ក្នុងខេត្តបាត់ដំបង ឱ្យបានឆាប់ជាមុនសិនដេីម្បីជាទីកន្លែងសម្រាប់ឱ្យក្រុមការងារបំពេញភារកិច្ចប្រកបដោយប្រសិទ្ធិភាពនិងការទទួលខុសត្រូវ ស្របតាមអនុសាសន៍ណែនាំដ៏ខ្ពង់ខ្ពស់របស់ឯកឧត្តម នាយឧត្ដមសេនីយ៍ កិត្តិសង្គហបណ្ឌិត គន់ គីម នាឱកាសនៃពិធីប្រកាសប្រគល់ភារកិច្ចជូនលោកឧត្តមសេនីយ៍ស្នងការនាពេលនោះ៕
