(កំពត)៖ អតីតមន្ត្រីនិងសកម្មជន ដែលមកពីក្រុង ស្រុកក្នុងខេត្តកំពត ចំនួន៣៥នាក់ នៃគណបក្សសង្គ្រោះជាតិ រួមមានសមាសភាពតួនាទីជាសមាជិកក្រុមប្រឹក្សាស្រុកចំនួន០១នាក់ មេឃុំ ចំនួន០៣នាក់ ជំទប់ទី១ចំនួន០២នាក់់់ជំទប់ទី២ចំនួន០៥នាក់សមាជិកក្រុមប្រឹក្សា ឃុំ សង្កាត់ចំនួន១១នាក់ បេក្ខជនបំរ៉ុងឃុំ សង្កាត់់ចំនួន០៣នាក់និងសកម្មជនចំនួន១០នាក់ ត្រូវបានធ្វើពិធីប្រកាសចូលជាសមាជិក របស់គណបក្សប្រជាជនកម្ពុជា។
បន្ទាប់ពីបានយល់ដឹងច្បាស់់នូវទង្វើ ក្បត់ជាតិរបស់លោក កឹម សុខា ប្រធាន
គណបក្សសង្គ្រោះជាតិនោះ សកម្មជនបក្សប្រឆាំង ក៏បានមកសុំចុះចូលរួមរស់ក្នុងជីវភាពនយោបាយជាមួយគណបក្ស ប្រជាជនកម្ពុជា ដោយស្ម័គ្រចិត្តជាបន្តបន្ទាប់់ ហើយក៏ត្រូវបានធ្វើពិធី ប្រកាសបញ្ចូលជាសមាជិកគណបក្សប្រជាជនពេញសិទ្ធ ក្រោមអធិបតីភាព លោកចាន់ ចេស្ដា ប្រធានគណក្សប្រជាជនខេត្តកំពត។ ពិធីនេះបានធ្វើឡើងនៅ មន្ទីរគណបក្សប្រជាជនខេត្ត កាលពីរសៀលថ្ងៃទី១៧ ខែវិច្ឆិកាឆ្នាំ២០១៧ និងមានវត្តមានចូលរួមផងដែរពីលោក អ៉ឹង ម៉េងហួរអនុប្រធានគណបក្សប្រជាជនកម្ពុជាខេត្ត។
នៅក្នុងឱកាសនោះ លោកហែម វណ្ណាអតីត ជំទប់ទី១ឃុំបឹងទូកស្រុកទឹកឈូនៃគណបក្សសង្គ្រោះជាតិក៏បានបង្ហាញការគាំទ្រ ចំពោះវិធានការបន្ត ដែលបានដាក់ចេញដោយសម្តេចតេជោ ហ៊ុន សែន ក្នុងការបន្តទប់ស្កាត់ឧបាយកល បដិវត្តន៍ពណ៌នៅកម្ពុជា ក៏ដូចជាការប្តេជ្ញាចិត្តរួមរស់ជីវភាពនយោបាយជាមួយគណបក្សប្រជាជនដើម្បី ថែរក្សាការពារសន្តិសុខ សន្តិភាព និងការអភិវឌ្ឍ ប្រឆាំងទប់ស្កាត់បក្សនយោបាយ និងក្រុមអ្នកនយោបាយ ដែលឃុបឃិត និងបម្រើផលប្រយោជន៍បរទេស។
មានប្រសាសន៍ទៅកាន់់បងប្អូនដែលទើបបានបញ្ចូលជាសមាជិកថ្មីនៃគណបក្សប្រជាជននពេលនេះ លោក ចាន់ ចេស្ដា បានចាត់ទុកការភ្ញាក់រលឹកចូលរួមរស់ក្នុងជីវភាព នយោបាយជាមួយគណបក្ស ប្រជាជនកម្ពុជារបស់ បងប្អូន គឺជាការសម្រេចចិត្ត ដ៏ត្រឹមត្រូវ ស្របទៅនឹងអ្វីដែលការអំពាវនាវក្នុង ទស្សនៈនយោបាយឈ្នះៗក្រោមការដឹកនាំដ៏ឆ្នើម របស់សម្ដេចតេជោហ៊ុន សែន ដើម្បីរួមគ្នាបន្តការអភិវឌ្ឍន៍ និងថែរក្សា សន្តិភាព ស្ថិរភាពនយោបាយសន្តិសុខសណ្ដាប់ធ្នាប់ សង្គម នីតិរដ្ឋនិងលទ្ធិប្រជាធិបតេយ្យនៅកម្ពុជា។
លោកចាន់ ចេស្ដា ក៏បានគូសបញ្ជាក់ថា៖ ពេលនេះគណបក្សសង្រោះជាតិបានរលាយបាត់ស្រមោលហើយ ក្រោយពីតុលាការកំពូលបានប្រកាសសាលដិការរំលាយរួចមក។ ប៉ុន្តែតំណែងតួនារីរបស់បងប្អូនមិនបានរលាយទៅជាមួយគណបក្សសង្គ្រោះជាតិនោះទេ។ ដូច្នេះសូមកុំមានការបារម្មណ៍អ្វីពីតួនាទី ដែលបាននឹងកំពុងបំពេញភារកិច្ចសព្វថ្ងៃនេះ។
សូមឲ្យបងប្អូនបន្តការស្មោះត្រង់និង ខិតខំរួមសាមគ្គីគ្នាបន្ថែមទៀតដើម្បី បន្តរួមចំណែក បម្រើប្រជាជន ថែរក្សាសន្តិភាព និងអភិវឌ្ឍន៍ប្រទេសជាតិឲ្យបានកាន់តែរីកចម្រើនបន្ថែមទៀត ជាមួយរាជរដ្ឋាភិបាលកម្ពុជាក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធាន គណបក្សប្រជាជនកម្ពុជា។/
ណារិទ្ធ
