(កំពត) ៖ នៅព្រឹកថ្ងៃទី១៧ខែវិច្ឆិកា ឆ្នាំ ២០១៧ នេះប្រតិភូអគ្គលេខាអគ្គលេខាធិការរងក្រុមប្រឹក្សានៃអង្គចៅក្រមបីរូបបានអញ្ជើញជាអធិបតីជួបប្រជុំពិភាក្សានិងសំណេះសំណាលសួរសុខទុក្ខដល់តំណាងអយ្យការអមសាលាដំបូងខេត្តកំពត។
ប្រតិភូក្រុមប្រឹក្សានៃអង្គចៅក្រមដែលអញ្ជើញជាអធិបតីក្នុងអង្គប្រជុំទាំងបីរូបនៅតុលាខេត្តកំពតនាព្រឹកនេះមានការចូលរួមពីលោក អ៊ុំ សារិទ្ឋ សមាជិកឧត្តមក្រុមប្រឹក្សានៃអង្គចៅក្រមជា (ប្រធានប្រតិភូ) លោក ប្លង់ ឆ្លាម សមាជិកឧត្តម ក្រុមប្រឹក្សានៃអង្គចៅក្រម, លោក អ៊ុង សុភារិន្ទ អគ្គលេខាធិការរងនៃអគ្គលេខាធិការដ្ឋានក្រុមប្រឹក្សានៃអង្គចៅក្រមនិងវត្តមានជាកិត្តិយស លោក ឯក ឆេងហ៊ួត ព្រះរាជអាជ្ញាអមសាលាដំបូងខេត្ត លោក ឡុង កេសភិរម្យ ប្រធានសាលាដំបូងខេត្ត លោក គឹម រ៉ាវី អនុប្រធានតុលាការខេត្ត លោកស្រីចៅក្រមនិងព្រះរាជអាជ្ញារងនៃសាលាដំបូងខេត្ត លោកម៉ាន់ បូរ៉េតលេខាធិការដ្ឋានសាលាដំបូងខេត្ត និងលោក លោកស្រីជាក្រឡាបញ្ជីនិងមន្ត្រីបំរើការងារក្នុងសាលាដំបូងខេត្តជាច្រើនរូបទៀតបានចូលរួមក្នុងកម្មវិធីជួបសំណេះសំណាលសួរសុខទុក្ខពីសំណាក់ប្រតិភូសមាជិកអគ្គលេខាធិការក្រុមប្រឹក្សានៃអង្គចៅក្រមនាពេលព្រឹកនេះផងដែរ។
បន្ទាប់ពីលោក ម៉ាន់ បូរ៉េត លេខាធិការដ្ឋានសាលាដំបូងខេត្តធ្វើរបាយការជូនប្រតិភូជាគណអធិបតីអំពីកិច្ចការសំខាន់ៗនៃការអនុវត្តន៍នីតិវិធីនៅក្នុងប្រព័ន្ធតុលាការខេត្តកំពតនាពេលកន្លងមកក៏ដូចជាបច្ចុប្បន្ននេះដែររួចមក លោក គឹម រ៉ាវី អនុប្រធានតុលាការបានលើកឡើងនូវបញ្ហាមួយចំនួនជុំវិញការអនុវត្តន៍កិច្ចការច្បាប់តាមនីតិវិធីនាពេលកន្លងមកក៍ដូចជាបច្ចុប្បន្ននេះដែរ ជំរាបជូនប្រតិភូថ្នាក់ដឹកនាំ ដែលជាសមាជិកក្រុមប្រឹក្សានៃអង្គចៅក្រមដើម្បីបានស្វែងយល់ពីការអនុវត្តតាមនីតិវិធីច្បាប់នាពេលកន្លងមកនៅក្នុងស្ថាប័នតុលាការ បំរើជូនប្រជាពលរដ្ឋនៅទូទាំងខេត្តកំពត ។
ក្នុងនោះ លោកបានគូសបញ្ជាក់អំពីការងាយស្រួលនិងកិច្ចការដែលប្រឈមក្នុងការអនុវត្តនីតិវិធីច្បាប់ផងដែរ។លោក ឯក ឆេងហ៊ួត ព្រះរាជអាជ្ញាអមសាលាដំបូងខេត្ត បានថ្លែងការកោតសរសើរនិងថ្លែងអំណរគុណដ៍ជ្រាលជ្រៅបំផុត ចំពោះប្រតិភូថ្នាក់ដឹកនាំកំពូលស្ថាបន័តុលាការ ដែលថ្ងៃនេះមានវត្តមានដ៍ឧត្តង្គឧត្តមបានចុះមកពង្រឹងកិច្ចការផ្ទៃក្នុងតុលាក្នុងការអនុវត្តនីតិវិធីច្បាប់ និងស្តាប់សំណូមពរពីការលំបាកនិងការងាយស្រួលក្នុងការអនុវត្តច្បាប់របស់ប្រព័ន្ធតុលាការថ្នាក់ក្រោមជាពិសេសខេត្តដែល មាន ប្រតិភូ អញ្ជើញជាអធិបតីស្វែងយល់នាថ្ងៃនេះគឺខេត្តកំពតយើងខ្ញុំតែម្តង។
ជាមួយគ្នានេះដែរ ជុំវិញបញ្ហាប្រឈមនិងការអនុវត្តច្បាប់នាពេលកន្លងមក ដែលប្រធានតុលាការនិងលេខាធិការដ្ឋានសាលាដំបូងខេត្តបានលើកឡើងនិងធ្វើសំណូមពរ សូមឲ្យ ប្រតិភូតំណាងស្ថាប័នតុលាការកំពូល មេត្តាសុំជួយចាប់អារម្មណ៍លើបញ្ហាសំណូមពររបស់តុលាការថ្នាក់ក្រោមផង ដូចជាបញ្ហារឿងទំនាស់ដីធ្លី ជាករណីមួយមានភាពស្មុកស្មាញច្រើន ហើយករណីនេះភាគច្រើនគឺពាក់ពន្ឋ័និងអាជ្ញាធរនៅមូលដ្ឋានមួយចំនួន ហើយការទំនាក់ទំនងជាមួយនគរបាលយុត្តិធម៌ក៍មានការប្រឈមខ្លះៗដែរដោយមានហេតុការកើតឡើង ការកសាងសំណុំរឿងនៅមានភាពយឺតយ៉ាវជាដើម។
លទ្ឋផលនៃការសំណេះសំណាលដល់ស្ថាបន័តុលាការថ្នាក់ក្រោមនខេត្តកំពតនាពេលនេះគឺមានការបកស្រាយនូវរាល់សំណូមពរនានាដែលតុលាការខេត្តបានអនុវត្តនីតិវិធីហើយមានការប្រឈមខ្លះៗនាពេលកន្លងមក ដោយឯ,ឧ ប្រតិភូក្រុមប្រឹក្សានៃអង្គចៅក្រមបានធ្វើការបកស្រាយយ៉ាងច្បាស់នូវរាល់សំណូមពរខាងលើ និងបានបញ្ជាក់យ៉ាងច្បាស់នូវរាល់ខ្លឹមសារនិងអត្ថន័យដ៍មានសារៈសំខាន់និងជ្រាលជ្រៅបំផុត ។ ហើយរាល់ការបកស្រាយតាមសំណូមពរខាងលើ បានធ្វើឲ្យមន្ត្រីផ្នែកអនុវត្តច្បាប់ទាំងអស់នៅក្នុងប្រពន្ឋ័តុលាការខេត្តកំពតកាន់តែមានការយល់ដឹងខ្ពស់នូវផ្នែកអនុវត្តតាមនីតិវិធីច្បាប់បន្តទៅទៀតផងដែរ។/
ណារិទ្ធ
