នៅរសៀលថ្ងៃអង្គារ ទី១០ ខែមករា ឆ្នាំ២០២៣
នេះ លោកឧត្ដមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម បានចាត់ឲ្យលោកវរសេនីយ៍ឯក អឿ សុភា នាយការិយាល័យនគរបាលចរាចរណ៍ផ្លូវគោក និងសហការី ចុះសួរសុខទុក្ខលោកវរសេនីយ៍ទោ ញ៉ា ប៊ុនហេង នាយរងការិយាល័យនគរបាលចរាចរណ៍ផ្លូវគោក ដែលសម្រាកព្យាបាលជំងឺ ក្រោយការវះកាត់ពោះវៀនដុះខ្នែង ។
ក្នុងឱកាសនោះដែរ លោកឧត្តមសេនីយ៍ស្នងការក៏បានចាត់ឲ្យសហការីនាំយកអំណោយដ៏ថ្លៃថ្លានូវថវិកា និងគ្រឿងឧបភោគបរិភោគមួយចំនួនរបស់ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ ឧបត្ថម្ភដល់លោកវរសេនីយ៍ទោ ញ៉ា ប៊ុនហេង ដេីម្បីជួយសម្រាល់ដល់បន្ទុកចំណាយថ្លៃព្យាបាលជំងឺ ផងដែរ ។
