លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតដឹកនាំកិច្ចប្រជុំផ្សព្វផ្សាយផែនការ ការពារសន្តិសុខ ក្នុងពិធីអបអរសាទ ខួបអនុស្សាវរីយ៍ លើកទី៤៤ ទិវាជ័យជំនះ៧មករា
ខេត្ដបន្ទាយមានជ័យ ៖នៅរសៀលថ្ងៃអង្គារ៍ ១២កើត ខែ បុស្ស ឆ្នាំ ខាល ចត្វាស័ក ព.ស២៥៦៦ ត្រូវនឹងថ្ងៃទី ០៣ ខែ មករា ឆ្នាំ២០២៣ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត ដឹកនាំកិច្ចប្រជុំ ផ្សព្វផ្សាយផែនការ ដល់កងកម្លាំងតាមផ្នែកជំនាញ និងប៉ុស្តិ៍នគរបាលរដ្ឋបាលទាំង៥ សង្កាត់ ការពារសន្តិសុខ សុវត្ថិភាព សណ្តាប់ធ្នាប់ ក្នុងពិធីអបអរសាទរ រំលឹកខួបអនុស្សាវរីយ៍ លើកទី៤៤ ទិវាជ័យជំនះ ៧មករា (៧មករា១៩៧៩-៧មករា២០២៣) និងការពារ សន្តិសុខ សណ្ដាប់ធ្នាប់ នៅស្នាក់ការគណបក្ស ប្រជាជនកម្ពុជា ក្រុងប៉ោយប៉ែត ស្ថិតនៅក្នុងភូមិអណ្ដូងថ្មមាស សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
សូមបញ្ជាក់ថា៖ ការពារសន្តិសុខ សុវត្ថិភាពជូនថ្នាក់ដឹកនាំ ផ្សព្វផ្សាយដល់កងកម្លាំងគ្រប់ផ្នែកជំនាញ ដើម្បីបែងចែកការងារ តួនាទី ភារកិច្ច គោលដៅទទួលខុសត្រូវ ដើម្បីធានាឲ្យបានប្រសិទ្ធភាព តាមផែនការដែលបានកំណត់។
គោលបំណងសំដៅធានាបានទាំងស្រុង សន្តិសុខ សុវត្ថិភាព និងសណ្តាប់ធ្នាប់សាធារណៈជូនថ្នាក់ដឹកនាំ មន្ត្រីរាជការ និង សិស្សានុសិស្ស និងប្រជាពលរដ្ឋដែលអញ្ជើញចូលរួមក្នុងកម្មវិធីខាងលើអោយប្រព្រឹត្តទៅដោយជោគជ័យ៕
