ពិធីនេះក៏មានការអញ្ជើញចូលរួមពីសំណាក់លោកស្រី ពិន សារីន និងក្រុមគ្រួសារ ព្រមទាំងមានការឧបត្ថម្ភ ជាសម្ភារៈសិក្សា និងថវិកាដល់សិស្ស ដែលជាប់ចំណាត់ ថ្នាក់លេខ១-លេខ២ និងលេខ៣ ដើម្បីលើកទឹកចិត្ត ដល់សិស្សានុសិស្ស ឱ្យខិតខំរៀនសូត្រ ឲ្យក្លាយទំពាំងស្នងឫស្សីរបស់ប្រទេសជាតិ។
បន្ទាប់ពីលោក នាយកវិទ្យាល័យចំណេះទូទៅ បានឡើងអានពីរបាយការណ៍រួចមក
លោក លឹម សៀងហេង អភិបាលក្រុងបាវិត ក៏បានអានសារលិខិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាស បើកបវេសនកាល ឆ្នាំសិក្សាថ្មី ២០២២ ២០២៣ និងដើម្បីឱ្យដំណើរការឆ្នាំសិក្សា ថ្មីនេះ ទទួលបានលទ្ធផលល្អប្រសើរ តាមការគ្រោងទុក។
ជាមួយគ្នានោះដែរ លោកអភិបាលក្រុងបាវិត ក៏បានជូនពរចំពោះលោកនាយក លោកគ្រូ អ្នកគ្រូបង្រៀន និងសិស្សានុសិស្ស សូមទទួលបាននៅសេចក្តីសុខ សេចក្តីចំរើន ជាមួយនឹងការរៀនសូត្រ និងបង្រៀន បានយ៉ាងល្អ នៅក្នុងឆ្នាំសិក្សាថ្មីនេះ ៕
