លោក តឹក យី មេឃុំដូង បានមានប្រសាសន៍ឲ្យដឹងថាៈ សំរាប់ឆ្នាំ២០២២ ឃុំបានអនុវត្ត គំរោងសាងសង់ផ្លូវ ក្រាលក្រួសក្រហម ប្រវែង ១២ គីឡូម៉ែត្រ ចាប់ពីភូមិត្រពាំងផ្លុង បាននិងកំពុងអនុវត្តសាងសង់ នៅមិនទាន់ហើយ ជាស្ថាពរទេ។ ក្រៅពីនេះ ឃុំបានទទួល នូវសមិទ្ធផលផ្សេងៗ រួមមាន សាលារៀន ទីចាត់ការ សំភារៈសំរាប់កុមារ ប្រឡាយទឹក បង្គោលភ្លើងសូឡា ក្រៅពីនេះ ឃុំក៏បានដោះស្រាយ បញ្ហាប្រជាពលរដ្ឋ ឈឺ ស្លាប់ និងទីទ័លក្រ ផងដែរ។
លោកមេឃុំ បានបន្តទៀតថាៈ ដោយឡែក សំរាប់ឆ្នាំ២០២៣ ឃុំបានអនុវត្តគំរោងសាង សង់ផ្លូវក្រាលថ្មបំបែក ពីភូមិត្រពាំងស្លា ទៅភូមិព្រិច។ ក្រៅពីនេះ ឃុំបានទាក់ទងទៅមន្ទីរ អភិវឌ្ឍន៍ជនបទ ដោយគំរោងធ្វើផ្លូវពីផ្ទះតាឡោ ទៅបាត់ត្រាស់ ហើយក៏បានសិក្សា ចុះវាស់វែងដី ដើម្បីធ្វើផ្លូនៅភូមិត្រពាំងធំ ភូមិធ្លក និងភូមិអង្គុញ រួចហើយផងដែរ។
លោក ស៊ូ ម៉ុល អភិបាលស្រុក បានមានប្រសាសន៍ថាៈ ការបើកការដ្ឋានជួសជុលផ្លូវលំ ក្រាលថ្មបំបែក នាពេលនេះ គឺបញ្ជាក់ឲ្យឃើញថា អាជ្ញាធរស្រុក ក៏ដូចជា អាជ្ញាធរឃុំ តែងតែយកចិត្តទុកដាក់ ជាប់ជានិច្ចចំពោះទុក្ខកង្វល់ របស់ប្រជាពលរដ្ឋ ក្នុងធ្វើដំណើរ ឆ្លងកាត់ទៅមកនៅពេលពិបាក ជាពិសេសនោះ ក្រោមការដឹកនាំ របស់រាជរដ្ឋាភិបាល ដែលសម្តេចតេជោ ហ៊ុន សែន ជាប្រមុខដឹកនាំដ៏ឈ្លាសវៃ ដោយសម្ដេច តែងតែយក ចិត្តទុកដាក់ ចំពោះប្រជាពលរដ្ឋជានិច្ច និងតែងតែគិតគូរ អំពីជីវភាពប្រចាំថ្ងៃ របស់ពលរដ្ឋ ហើយទីណាមានប្រជាពលរដ្ឋ រស់នៅទីនោះត្រូវមានផ្លូវ ទឹក ភ្លើង ដល់ទីនោះជាចាំបាច់។
លោកអភិបាលស្រុក បានណែនាំដល់ពលរដ្ឋថា ពេលបានផ្លូវល្អងាយស្រួលធ្វើដំណើរ សូមចូលរួមថែរក្សា ឲ្យបានគង់វង្ស ព្រោះផ្លូវទាំងនេះ ជារបស់យើងទាំងអស់គ្នា មិនរបស់បុគ្គលណាម្នាក់ឡើយ និងត្រូវចូលរួមគោរពច្បាប់ចរាចរណ៍ទាំងអស់គ្នា ដើម្បីកាត់បន្ថយ នូវការគ្រោះថ្នាក់ចរាចរណ៍ឲ្យ បានជាអតិបរិមា ជាពិសេស គឺត្រូវចូលរួមអនុវត្តគោលនយោបាយ ភូមិ ឃុំ មានសុវត្ថិភាព ទាំង៧ ចំណុច ឲ្យមានប្រសិទ្ធ៕
