លោកឧត្តមសេនីយ៍ទោ សិទ្ធិ ឡោះ ដឹកនាំកងកម្លាំងនគរបាលខេត្តគោរពទង់ជាតិ ព្រឹកថ្ងៃចន្ទ
ខេត្តបន្ទាយមានជ័យ៖ នៅព្រឹកថ្ងៃចន្ទ ៤កើត ខែបុស្ស ឆ្នាំខាល ចត្វាស័ក ពស ២៥៦៦ ត្រូវនឹងថ្ងៃទី២៦ ខែធ្នូ ឆ្នាំ ២០២២ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអញ្ជើញដឹកនាំកម្លាំងនគរបាលទូទាំងខេត្ត កម្លាំងអធិការដ្ឋាននគរបាលក្រុង-ស្រុក ទាំង៩ និង កម្លាំងវរសេនាតូចនគរបាលការពារព្រំដែនគោកទាំង៤ គោរពទង់ជាតិ នៃព្រះរាជាណាចក្រកម្ពុជា ។
ថ្លែងក្នុងពិធីនោះ លោកឧត្តមសេនីយ៍ទោ សិទ្ធិ ឡោះ បានមានប្រសាសន៍ក្រើនរំឱ្យកងកម្លាំងនគរបាល គោរពវិន័យ០០៦ របស់នគរបាលជាតិ និងមានអនាម័យល្អ រស់នៅស្អាត ហូបស្អាត ដើម្បីទទួលបានសុខភាពល្អ ។
ទន្ទឹមគ្នានេះលោកឧត្តមសេនីយ៍ទោស្នងការ ក៏ថ្លែងអំណរអរគុណយ៉ាងជ្រាវជ្រៅ ដល់កងកម្លាំងនគរបាលទូទាំងខេត្តបន្ទាយមានជ័យ ដែលបានខិតខំប្រឹងប្រែងក្នុងកិច្ចការ ប្រចាំថ្ងៃបានល្អ និងរៀបចំសណ្តាប់ធ្នាប់សាធារណៈ ការពារសន្តិសុខសុវត្ថិភាព ជាពិសេសបម្រើសេវាសាធារណៈជូនបងប្អូនប្រជាពលរដ្ឋបានល្អ ។ សូមជូនពរដល់កងកម្លាំងទាំងអស់ក្នុងឱកាសឆ្នាំថ្មី ឆ្នាំសកល២០២៣ខាងមុខ ជួបតែសេចក្ដីសុខ គ្រប់ប្រការ សុខភាពមាំមួន ជោគជ័យលើកិច្ចការផ្សេងៗ និងជួបតែពុទ្ធពរទាំង៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ ៕
