ហួសចិត្ត ចោរហារយ២នាក់គ្នីគ្នា០២នាក់បានធ្វើសកម្មភាពគាស់ផ្ទះពលរដ្ឋនាក់លក់ចាប់ហួយ លួចយកទឹកផ្លែឈើ និងស្រាបៀរចំនួន៥៩កេះ ត្រូវម្ចាស់គេតាមទាន់ប្តឹងសមត្ថកិច្ចឲ្យចាប់ខ្លួន
ខេត្តស្វាយរៀង ៖ មហាជនហួសចិត្ត ក្រុមចោរមានគ្នា០២នាក់បានធ្វើសកម្មភាពគាស់ផ្ទះលក់ចាប់ហួយមួយកន្លែង លួចយកទឹកផ្លែឈើ និងស្រាបៀរចំនួន៥៩កេះ និងអីវ៉ាន់ចាប់ហួយមួយចំនួនទៀតដឹកជញ្ជូនតាមម៉ូតូរ៉ឺម៉កត្រូវម្ចាស់គេតាមទាន់ប្តឹងសមត្ថកិច្ចឲ្យចាប់ខ្លួន។ករណីនេះបានកើតឡើង កាលពីយប់ថ្ងៃទី២៣ ធ្នូ ២០២២ ស្ថិតនៅភូមិត្របែក ឃុំស្វាយជ្រំ ស្រុកស្វាយជ្រំ។
បើតាមសមត្ថកិច្ចបានឲ្យដឹងថា ក្រោយពីប្រជាពលរដ្ឋម្ចាស់ទ្រព្យបានប្តឹងសមត្ថកិច្ចភ្លាម នៅព្រឹកថ្ងៃទី២៤ ខែធ្នូ ឆ្នាំ២០២២ ដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ត្រី ពេជ្រ វីរ: ស្នងការនគរបាលខេត្តកម្លាំងជំនាញនៃអធិការដ្ឋាននគរបាលស្រុកស្វាយជ្រំ កម្លាំងប៉ុស្តិ៍នគរបាលរដ្ឋបាលឃុំស្វាយជ្រំ បានធ្វើការបង្ក្រាប និងឃាត់ខ្លួនជនសង្ស័យចំនួន០២នាក់ ដែលបានធ្វើសកម្មភាពគាស់ផ្ទះប្រជាពលរដ្ឋលួចទ្រព្យសម្បត្តិប្រជាពលរដ្ឋ កាលពីយប់ថ្ងៃទី២៣ ខែធ្នូ ឆ្នាំ២០២២ ស្ថិតនៅភូមិត្របែក ឃុំស្វាយជ្រំ ស្រុកស្វាយជ្រំ ខេត្តស្វាយរៀង។
ប្រភពបន្តទៀតថា ក្នុងប្រតិបត្តិការបង្ក្រាបកម្លាំងសមត្ថកិច្ចយើងបានចាប់ឃាត់ខ្លួនជនសង្ស័យបាន០២នាក់ និងដកហូតវត្ថុតាង រួមមានម៉ូតូ ០២គ្រឿង, (ម៉ូតូរ៉ឺម៉ក១គ្រឿង)ទូរស័ព្ទដៃ០១គ្រឿង, ទឹកផ្លែឈើ និងស្រាបៀចំនួន ៥៩កេស និងឥវ៉ាន់ចាប់ហួយមួយចំនួនទៀត។
បច្ចុប្បន្ន ជនសង្ស័យទាំង០២នាក់ បានកសាងសំណុំរឿងបញ្ជូនទៅសាលាដំបូងខេត្តស្វាយរៀង ចាត់ការតាមនីតិវិធីច្បាប់។ចំណែកទឹកផ្លែឈើ ស្រាបៀ និងអីវ៉ាន់ចាប់ហួយ ប្រគល់ឲ្យម្ចាស់វិញហើយ។
សូមរំលឹកថា ចោជិះម៉ូតូរ៉ឺម៉ក និងម៉ូតូធ្វើសកម្មភាព គាស់តូបលក់គ្រឿងទេសតាមភូមិត្រូវអស់លក្ខណ៍ពេលម្ចាស់ដឹងទាន់ក៏ជិះម៉ូតូតាមពីក្រោយ ស្គាល់ថា ជាអីវ៉ាន់របស់ខ្លួនប្តឹងសមត្ថកិច្ចឲ្យចាប់ខ្លួនតែម្តង។ក៏ប៉ុន្តែមហាជនសោកស្តាយ សមត្ថកិច្ចថតរូបបិទមុខនិងមិនបង្ហាញអត្តសញ្ញាណជនសង្ស័យឲ្យមហាជនបានស្គាល់មុខ និងស្គាល់ឈ្មោះងាយស្រួលចំណាំមុខចោរ៕
