(ខេត្តស្វាយរៀង):នៅព្រឹកថ្ងៃសៅរ៍ ៣ កើត ខែមិគសិរ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី២៦ ខែវិច្ឆិកា ឆ្នាំ២០២២នេះ
លោក ហែម សុីណា អភិបាលនៃគណៈអភិបាលស្រុករំដួល និងក្រុមការងារស្រុក បានអញ្ជើញជួបសំណេះសំណាលជាមួយលោកគ្រូ អ្នកគ្រូ និងអាណាព្យាបាលសិស្សនិងចែកប័ណ្ណសរសើរដល់សិស្សានុសិស្ស ចំនួន៤០នាក់នៅសាលាបឋមសិក្សាហ៊ុនសែន វត្តថ្មី ដែលជាប់ចំណាត់ថ្នាក់លេខ១ ដល់លេខ៥ ចាប់ពីថ្នាក់ទី១ដល់ថ្នាក់ ទី ៦ ។
ពិធីនេះធ្វើឡើងនៅសាលាបឋមសិក្សាហ៊ុនសែន វត្តថ្មី ដែលស្ថិតនៅក្នុងភូមិពោន ឃុំសង្កែ ស្រុករំដួល ខេត្តស្វាយរៀង ។ក្នុងកម្មពិធីនេះដែរក៏មានការអញ្ជើញចូលរួមពីមន្ត្រីសាលាស្រុក លោកប្រធានអនុប្រធានការិយាល័យអប់រំស្រុក លោកនាយកនាយករង លោកគ្រូ អ្នកគ្រូ អាណាព្យាបាលសិស្ស និងសិស្សានុសិស្សជាច្រើនរូបទៀត ។
ក្នុងឱកាសនោះលោកហែម សុីណា អភិបាលស្រុករំដួល ក៏បានជំរុញនិងលើកទឹកចិត្តដល់ក្មួយៗសិស្សានុសិស្សទាំងអស់ គ្នាឲ្យខិតខំរៀនសូត្រអោយចេះដើម្បីជាសសរទ្រូងនៃប្រទេសជាតិយើងសម្រាប់ថ្ងៃអនាគត់ទៅខាងមុខ
ជាពិសេសបើកូនក្មួយរៀនពូកែជាប់បានល្អចាប់ពីថ្នាក់ក្រោមរហូតដល់ថ្នាក់លើ(ថ្នាក់ទី 1ដល់ថ្នាក់ទី 12)ជាពិសេសបើបាននិទ្ទេស A ក្មួយៗ មានកិត្តិយសនិងលើកមុខមាត់ដល់ឪពុកម្ដាយក្រុមគ្រួសារក្មួយ ថែមទាំងបានអំណោយនិងវត្ថុ អនុស្សាវរីយ៍ពីឯកឧត្តមអភិបាលខេត្តខេត្តស្វាយរៀងហើយនិងលើកមុខមាត់ស្រុករំដួលយើងផងដែរ ។
ជាកិច្ចបញ្ចប់ លោក អភិបាលស្រុក ក៏បានជូនពរដល់សិស្សានុសិស្សទាំងអស់ឱ្យទទួលបានលទ្ធផលជោគជ័យ និងទទួលបាននិទ្ទេសល្អគ្រប់ៗគ្នាសម្រាប់ថ្ងៃអនាគតខាងមុខ ហើយក៏សូមអរគុណដល់លោកគ្រូអ្នកគ្រូទាំងអស់គ្នាដែលបានយកចិត្តទុកដាក់ខិតខំបង្រៀនដល់សិក្សានុសិស្ស នៅសាលាបឋមសិក្សា ហ៊ុន សែន វត្តថ្មី ផងដែរ៕(សូមអរគុណ)
