ខេត្តប៉ៃលិន៖ មានការភ្ញាក់ផ្អើលមួយ បានកើតឡើង ខណៈពេលបុរសម្នាក់បានស្រែកឲ្យបងប្អួនឲ្យជួយ ដោយសារតែឃើញប្រពន្ធ និងកូនស្រីអាយុ៣ឆ្នាំ មានឈាមប្រឡាក់ និងជាប់ចំណង ត្រួវបានជនមិនស្គាល់អត្តសញ្ញាណលួចចូលក្នុងផ្ទះកាប់ជាច្រើនពូថៅ ខណៈពេលរូបគាត់ទៅស៊ីការគេនៅឆ្ងាយ ។ ហេតុការណ៏លួចចូលផ្ទះកាប់ស្ត្រីម្តាយកូនស្រីនេះ បានកើតឡើងកាលពីវេលាម៉ោង ១២និង៤៥នាទីរំលងធ្រាត នៅថ្ងៃទី ១៣ ខែមីនាឆ្នាំ២០១៥ នៅចំណុចផ្ទះ ស្ត្រីរងគ្រោះ ក្នុងភូមិបរហុ៑យ សង្កាត់បរយាខា ក្រុងប៉ៃលិន ខេត្តប៉ៃលិន ។
ស្ត្រីរងគ្រោះដែលជាម្តាយឈ្មោះ ទាវ សុខនី អាយុ ២៩ឆ្នាំ ជាមេផ្ទះ ចំណែកកូនស្រីអាយុ៣ឆ្នាំឈ្មោះ ឡេង វិច្ឆិកា អាយុ៣ឆ្នាំ ទាំងពីរនាក់ម្តាយកូនរស់នៅភូមិបរហ៊ុយ សង្កាត់បរយ៉ាខា ក្រុងប៉ៃលិន ខេត្តប៉ៃលិន ។
តាមប្រពភពត៌មានពីឈ្មោះ ឡេងឡៃ អាយុ៣៧ឆ្នាំត្រួវជាប្តី និងជាឪពុកកុមារីរងគ្រោះ បានឲ្យដឹងថា៖ មុនពេលកើតហេតុរូបគាត់ បានចេញទៅហូបការគេ ដោយទុកប្រពន្ធ(ស្ត្រីរងគ្រោះ) និងកូនពីរនាក់នៅក្នុងផ្ទះ ។ប្រភពបន្តថា៖ នៅវេលាម៉ោងកើតហេតុរូបគាត់ក៏មកផ្ទះវិញ ស្រាប់តែទ្វារខាងក្រោយបើកចំហរ ក៍ ស្រែក ហៅកូនប្រពន្ធ មិនមានអ្នកណាឆ្លើយ ,រូបគាតក៏ចូលទៅក្នុង ស្រាប់តែឃើញ មានឈាមប្រឡាក់ភួយ ដែលស្ត្រីរងគ្រោះដណ្តប់ ក៍ទាញភួយចេញពីស្ត្រីរងគ្រោះ រួចក៏ឃើញជើងស្ត្រីរងគ្រោះត្រួវគេចងជាប់ បន្ទាប់មករូបគាត់បានដើរទៅមើលកូនស្រីក៏មានឈាមប្រឡាកក្បាល ដោយត្រួវគេកាប់និងពូថៅ គាត់ ក៏មានការតក់ស្លុតយ៉ាងខ្លាំង ។ ប្រភពបន្តទៀតថា៖ ពេលនោះគាត់បានទូរសព្ធ័ហៅបងប្អូននិងអ្នកជិតខាង ឲ្យមកជួយ ព្រមទាំងប្តឹងសមត្ថកិច្ចប៉ុស្ត៏សង្កាត់បរយ៉ាខា ។
ប្រភពពត៌មានពីសមត្ថកិច្ចនៃអធការនគរបាលក្រុងប៉ៃលិន បានឲ្យដឹងថា៖ ក្នុងករណីនេះ ស្ត្រីរងគ្រោះ និងក្មេងស្រីរងគ្រោះ មានស្នាមរបួសច្រើនកន្លែង ទំនងជាជនដៃដល់ប្រើពូថៅជាអាវុធ ។ប្រភពបន្តថា៖ តាមការសង្កេតនៅកន្លែងកើតហេតុឃើញថា ជនដៃដល់បានគាស់ទ្វារផ្ទះពីក្រោយ ហើយដើរចូលទៅកាប់ស្ត្រីរងគ្រោះ និងក្មេងស្រីរងគ្រោះតែម្តង ដោយស្ត្រីរងគ្រោះរងរបួសក្បាលផ្នែកខាងក្រោយនិងមានការចងជើងទៀត ចំណែកក្មេងស្រីរងគ្រោះគឺមានស្នាមរបួសធ្ងន់ធ្ងរដូចគ្នាដែរ ។
ប្រភពបន្តទៀតថា៖ ករណីនេះអាចជាគំនុំបុគ្គលហើយជនដៃដល់មិនទាន់ស្គាល់អត្តសញ្ញាណ នៅឡើយ ចូលក្នុងផ្ទះដោយសារប្តីស្ត្រីរងគ្រោះមិននៅ ទៅស៊ីការគេ ។ ស្ត្រីរងគ្រោះឈ្មោះ ទាវ សុខនី អាយុ ២៩ឆ្នាំមុខរបបមើលកូនតូច៣ខែ នៅផ្ទះ និងកូនស្រីរងគ្រោះឈ្មោះឡេង វិថ្និកា អាយុ ៣ឆ្នាំ រស់នៅភូមិឃុំកើតហេតុខាងលើ។
ករណីនេះសមត្តកិច្ចនគរបាលនែអធិកាក្រុងប៉ៃលិនកំពុងតែស្រាវជ្រាវ ដោយសហការជាមួយ មេប៉ុស្ត៏សង្កាត់បរយ៉ាខា ដើម្បីចាប់ជនដៃដល់មកចាត់ការទៅតាមច្បាប់ ។ ក្រោយពេលកើតហេតុ ស្ត្រីរងគ្រោះ និងក្មេងស្រីរងគ្រោះ ត្រួវបានដឹកបញ្ជូនយ៉ាងប្រញាប់មកសង្គ្រោះនៅមន្ទីរបង្អែក ខេត្តប៉ៃលិន ទាំងកណ្ដាលយប់ តែដោយសាររបួសធ្ងន់ធ្ងរ ក៏សម្រេចបញ្ជូនទៅសង្គ្រោះនៅមន្ទីរពេទ្យខេត្តបាត់ដំបង ៕
