ល្បែងជល់មាន់តាមអនឡាញ នៅតែបើកដំណើរការបានដដែលគ្មានញញើញសោះ ទោះបីត្រូវបានសមត្ថកិច្ចចុះទៅធ្វើកិច្ចសន្យាឱ្យបិទហើយក៏ដោយ។
(ខេត្តសៀមរាប)%
ប្រភពពីក្រុមអ្នកញៀនល្បែងដែលមានទីតាំងតារាងបាល់ទះឬហាងកាហ្វេកំពុងរីកដូចផ្សិតក្នុង ក្រុងសៀមរាប ខេត្តសៀមរាប ទីតាំងលេងល្បែងជល់មាន់ខ្នាយដែកតាមអនឡាញនេះមិនបែកទេ ព្រោះគេមានខ្នងបង្អែកជា មន្ត្រីសមត្ថកិច្ចហើយមើលទៅ។
បើទោះជាយ៉ាងណាក៏ដោយ គោលការណ៍ភូមិ ឃុំ មានសុវត្ថិភាព ទាំង ប្រាំពីរ ចំណុច ដាក់ចេញដោយរាជរដ្ឋាភិបាល បានហាមឃាត់ដាច់ខាតនូវបនលេងល្បែងស៊ីសង ភ្នាល់គ្រប់ប្រភេទ ទោះជាប្រភេទល្បែងនោះ មើលទៅជាសកម្មភាពកីឡាក៏ ដោយ ឱ្យតែល្បែងចាក់ភ្នាក់ ស៊ីសងជាទង្វើខុសច្បាប់។
ការលេងល្បែងស៊ីសង និងចាក់ភ្នាល់ តែងតែធ្វើឱ្យមនុស្សធ្លាក់ខ្លួនទៅក្នុងអំពើអបាយមុខ ក្លាយជាចោរលួចឆក់ប្លន់ ឬប្រព្រឹត្តិអំពើល្មើសផ្សេងៗទៀត ធ្លាក់ខ្លួនជាប់បំណុលគេអស់ផ្ទះអស់សំបែក ជាហេតុដូច្នោះហើយ ទើបរាជរដ្ឋាភិបាលដាក់ចេញនូវគោលការណ៍ ភូមិ ឃុំ មានសុវត្តិភាព ដើម្បីឱ្យអាជ្ញាធរ សមត្ថកិច្ចគ្រប់លំដាប់ថ្នាក់អនុវត្តឱ្យបានម៉ឺងម៉ាត់បំផុត។
អាស្រ័យហេតុដូចបានរៀបរាប់ខាងលើសូមលោកឧត្ដមសេនីយ៍ទោ តេង ចាន់ណាត ស្នងការនគរបាលខេត្តសៀមរាបនិងលោកឧត្តមសេនីយ៍ត្រី ប៉ោ វណ្ណនិតមេបញ្ជាការកងរាជអាវុធហត្ថខេត្តសូមលោកទាំងពីរមេត្តាដាក់បទបញ្ជាឲបានតឹងរឹងចុះទៅត្រួតពិនិត្យពីកន្លែងនោះដើម្បីភូមិឃុំមានសុវត្ថិភាពជូនប្រជាពលរដ្ឋរផងទាន៕
