ខេត្តបន្ទាយមានជ័យ ៖ កំលាំងអាវុធហត្ថជាច្រើននាក់បានចុះធ្វើសកម្មភាពបង្ក្រាបបទល្មើសគ្រឿងញៀន ១ ករណីហើយឃាត់ខ្លួនជនសង្ស័យជាអ្នកជួញដូរគ្រឿងញៀនបានចំនួន២នាក់ និងដកហូតវត្ថុតាងថ្នាំញៀនបានចំនួន២កញ្ចប់តូច និងកាំបិតដងដែក១ដើមនៅវេលាម៉ោង២រំលងអាធ្រាត្រថៃទី១៦ខែមិថុនាឆ្នាំ២០១៧ ស្ថិតនៅក្នុងភូមិផ្សាររ៉ាថ្មី ភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ត្រី ជា ដា មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានឲ្យដឹងថា ដោយបានទទួលព័ត៌មានពីប្រជាពលរដ្ឋថាមានជនសង្ស័យ២នាក់កំពង់នាំគ្នាលួចលក់គ្រឿងញៀនយ៉ាងសកម្មនៅចំណុចខាងលើទើបលោកចាត់កំលាំងអាវុធហត្ថក្រុងប៉ោយប៉ែតចុះទៅដល់ចំណុចកើតហេតុឃាត់ខ្លួនជនសង្ស័យបានចំនួន២នាក់ក្រោយពីឃាត់ខ្លួនហើយជនសង្ស័យបានបញ្ជូនមកទីបញ្ជាការដ្ឋានកងរាជអាវុធហត្ថខេត្តបន្ទាយមានជ័យដើម្បីសាកសួរបន្ត ។
លោកវរសេនីយ៍ត្រី ជា ដា បានបញ្ជាក់ទៀតថា ជនសង្ស័យទាំង២នាក់មានឈ្មោះ ១ ខាន់ពិសិដ្ឋ ប្រុសអាយុ២៣ឆ្នាំ២មានឈ្មោះខាន់ណារ៉ុង ប្រុសអាយុ២០ឆ្នាំរស់នៅភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។លោកវរៈសេនីយ៍ឯកសប៊ុនសឿង មេបញ្ជាការងកងរាជអាវុធហត្ថខេត្តបន្ទាយមានជ័យ ទទួលបន្ទុកបង្ក្រាបគ្រឿងញៀនបានឲ្យដឹងថា បើតាមចម្លើយរបស់ជនសង្ស័យទាំង២នាក់បានឆ្លើយសារភាពថា រូបគេពិតជាបានលួចលក់គ្រឿងញៀនពិតប្រាកដម៉ន ព្រោះខ្លួនបានទិញគ្រឿងញៀននេះ ពីឈ្មោះថា ភេទប្រុស ដើម្បីយកមកលក់បន្ត ។
លោកលោកវរៈសេនីយ៍ឯក ស ប៊ុនសឿង បានបញ្ជាក់ទៀតថា ក្រោយពីបានចំលើយរបស់ជនសង្ស័យទាំង២រួចមក កំលាំងជំនាញរបស់អាវុធហត្ថខេត្តបានកសាងសំនុំរឿងបញ្ជូនទៅតុលាការខេត្តដើម្បីដាក់ទោសទៅតាមផ្លូវច្បាប់ ៕
