ក្រុងប៉ោយប៉ែត៖នាព្រឹកថ្ងៃពុធ ១រោច ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៥ ខែមិថុនា ឆ្នាំ២០២២នេះដោយមានការចង្អុលបង្ហាញពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យនឹង ក្រោមការបញ្ជាផ្ទាល់របស់លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតដាក់បទបញ្ជាយ៉ាងម៉ឺងម៉ាត់ដល់កម្លាំងនគរបាលសណ្តាប់ធ្នាប់ចរាចរណ៍ ដឹកនាំដោយ លោកវរសេនីយ៍ទោ ញ៉ាន អ៊ុយអ៊ាង ឋានៈអធិការរងទទួលផែនការងារសណ្តាប់ធ្នាប់នៃអធិការដ្ឋាននគរបាលក្រុងប៉ោយប៉ែត នឹងលោកវរសេនីយ៍ត្រី ព្រហ្ម ឧត្តម ឋានៈអធិការរង ជំនួយការការងារសណ្តាប់ធ្នាប់ នឹងលោកវរសេនីយ៍ត្រី បោន ភក្ត្រា ឋានៈ នាយផ្នែកនឹងនាយរងផ្នែកចំនួន០៤នាក់និងមន្រ្តី១២នាក់បានចុៈរៀបចំសណ្តាប់ធ្នាប់នៅចំណុចផ្សារត្រីប៉ោយប៉ែតស្ថិតនៅក្នុងភូមិបាលិលេយ្យ១ សង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យ។
សូមបញ្ជាក់ថា៖កម្លាំងនគរបាលសណ្ដាប់ធ្នាប់ចរាចរណ៍ក្រុងប៉ោយប៉ែតបានចុះធ្វើការរៀបចំសណ្ដាប់ធ្នាប់នៅចំណុចផ្សារត្រីប៉ោយប៉ែតបានក៏អប់រំណែនាំដល់បងប្អូនអាជីវករ ដែលដាក់តាំងលក់ សម្ភារៈ និងទំនិញផ្សេងៗ រំលោភបំពានលើទ្រូងផ្លូវធ្វើអាជីវកម្ម ផ្ទាល់ខ្លួន បង្កឲ្យមានការកកស្ទះនិងប៉ៈពាល់សណ្តាប់ធ្នាប់សុវត្ថិភាព ចរាចរណ៍នៅលើដងផ្លូវសាធារណៈខ្លាចមានគ្រោះថ្នាក់ចរាចរណ៍ជាយថាហេតុ។
ក្នុងឱកាសនោះដែរ៖កម្លាំងនគរបាលសណ្ដាប់ធ្នាប់ចរាចរណ៍ក៏បានអំពាវនាវដល់បងប្អូនប្រជាពលរដ្ឋនិងបងប្អូនអាជីវករលក់ដូរឱ្យមានរបៀបរៀបរយនឹងត្រូវចូលរួមគោរពច្បាប់ចរាចរណ៍ទាំងអស់គ្នាផងដែរ។
