លោក សុខ ពេញវុធ អភិបាលខណ្ឌដូនពេញ សំណេះសំណាលជាមួយក្រុមយុវជនសេដ្ឋកិច្ច និង ក្រុមការងារសង្កាត់ចតុមុខ

(ភ្នំពេញ)៖ នៅរសៀលថ្ងៃចន្ទ ៧កើត ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៦ ខែមិថុនា ឆ្នាំ២០២២ លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាអនុប្រធានគណៈកម្មាធិការគណបក្សប្រជាជនកម្ពុជាខណ្ឌដូនពេញ និងជាប្រធានក្រុមការងារចុះជួយសង្កាត់ចតុមុខ បានអញ្ជើញសំណេះសំណាលជាមួយក្រុមយុវជនសេដ្ឋកិច្ច និងក្រុមការងារចុះជួយសង្កាត់ចតុមុខ ព្រមទាំង សមាជិក សមាជិការ គណបក្សប្រជាជនកម្ពុជាសង្កាត់ចតុមុខទាំងអស់ ដែលបានសម្រេចបានជ័យជម្នះយ៉ាងត្រចះត្រចង់ និងប្រកបដោយមោទនភាព សម្រាប់គណបក្សសង្កាត់ចតុមុខ និង ប្រជាជនសង្កាត់ចតុមុខ។

ឆ្លៀតក្នុងឱកាសដ៏ថ្លៃថ្លានេះ លោក សុខ ពេញវុធ សូមសម្តែងនូវការកោតសរសើរ និង ការអរគុណដ៏ជ្រាលជ្រៅ បំផុតចំពោះក្រុមការងារទាំងអស់ដែលបានលះបង់គ្រប់បែបយ៉ាង ទាំងពេលវេលា កម្លាំងកាយចិត្ត និង ថវិកា ព្រមទាំងមធ្យោបាយការងារផ្សេងៗ ទាំងយប់ ទាំងថ្ងៃ ហាលក្តៅ ហាលខ្យល់ ហាលភ្លៀងផ្គរ បង្កើតបានជាកម្លាំងមហាសាមគ្គីដ៏រឹងមាំមួយ ជាមួយប្រជាជនសង្កាត់ចតុមុខ ខណ្ឌដូនពេញដើម្បីបម្រើបុព្វហេតុបក្ស និង បុព្វហេតុប្រជាជនសង្កាត់ចតុមុខ ខណ្ឌដូនពេញ។

សូមស្មារតី និង កម្លាំងមហាសាមគ្គីភាពនេះ ព្រមទាំងជោគជ័យដ៏ត្រចះត្រចង់នេះ បន្តឋិតឋេរជាអមតៈសម្រាប់សង្កាត់ចតុមុខ ខណ្ឌដូនពេញ របស់យើង។

ជយោ! គណបក្សប្រជាជនកម្ពុជា!
ជយោ! សន្តិភាព ស្ថិរភាព និងការអភិវឌ្ឍ!
ជយោ! ក្រុមការងារសង្កាត់ចតុមុខ ខណ្ឌដូនពេញ
ជយោ! កម្លាំងសាមគ្គីភាពសង្កាត់ចតុមុខ ខណ្ឌដូមពេញ
ជយោ! ប្រជាធិបតេយ្យ