រាជធានីភ្នំពេញ ៖ នៅសាលប្រជុំមន្ទីពេទ្យមន្ទីរពេទ្យកាល់ម៉ែត កាលពីព្រឹកថ្ងៃទី១៩ខែឧសភាឆ្នាំ២០១៧មានរៀបចំបើទិវាទិវាវេជ្ជសាស្ត្រ និងសល្យសាស្ត្រលើកទី១៩របស់ ក្នុងគោលដៅបង្កើនចំណេះដឹងុដល់គ្រូពេទ្យ និងដើម្បីផ្លាស់ប្តូរចំណេះដឹងពីគ្នាទៅវិញទៅមកមន្ទីរពេទ្យកាល់ម៉ែត ក្រោបអធិបតីភាពលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ។ ចូលរួមក្នុងឱកាសនោះមានលោកសាស្ត្រាចារ្យ វេជ្ជបណ្ឌិត ឈាង រ៉ា អគ្គនាយកមន្ទីរពេទ្យកាល់ម៉ែត និងលោក លោកស្រីជាសាស្ត្រាចារ្យ វេជ្បណ្ឌិត ឱសថ បណ្ឌិតជាច្រើនទៀត ។
លោកសាស្ត្រាចារ្យ ឈាង រ៉ា បានថ្លែងក្នុងទិវាវេជ្ជសាស្ត្រថាមន្ទីរពេទ្យកាល់ម៉ែត មានកិត្តិយសដ៏ខ្ពង់ខ្ពស់បំផុតដែលបានរៀបចំទិវាវេជ្ជសាស្ត្រ-សល្យសាស្ត្រលើកទី១៩ប្រចាំឆ្នាំ២០១៧នេះហើយ ជាឱកាសពោពេញដោយសេចក្តីសោមនស្សរីករាយនិងមោទនភាពយ៉ាងក្រៃលែងនិងមានការចូលរួមជាអធិបតីភាពពីលោកវេជ្បណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល។វត្តមានចូលរួមរបស់លោករដ្ឋមន្ត្រីពេលនេះ គឺជួយជំរុញឲ្យទិវានេះកាន់តែមានអត្ថន័យ និង ធ្វើមានធ្វើបទបង្ហាញសារៈសំខាន់ពិសេសក្រុមគ្រូពេទ្យឯកទេសជំនាញដែលនឹងត្រូវធ្វើបទបង្ហាញដើម្បីទុកជាមេរៀន ដើម្បីបង្កើនចំណេះដឹងផ្នែកវេជ្ជសាស្ត្រជឿនលឿន ជាគុណប្រយោជន៍សម្រាប់សុខមាលភាព ដល់ប្រជាពលរដ្ឋយើង។
លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានមានប្រសាសន៍សម្តែងការកោតសរសើរ ដល់សមត្ថភាព ថែរទាំព្យាបាល និងការគ្រប់គ្រងមន្ទីរពេទ្យកាល់ម៉ែត ដែលធ្វើឲ្យមន្ទីរពេទ្យនេះក្លាយជាមន្ទីរពេទ្យបង្អែកដ៏ធំ និងមាំទាំ ក្នុងការចូលរួមលើកកំពស់សុខមាលភាពរបស់ប្រជាពលរដ្ឋកម្ពុជា។ លោកបន្តថា ទិវានេះមានសារៈសំខាន់ និងផ្តល់គុណប្រយោជន៍យ៉ាងខ្លាំងពាក់ព័ន្ឋនឹងការសេវាថែរទាំព្យាបាលអ្នកជំងឺហើយប្រជាជន និងគ្រូពេទ្យទូទាំងប្រទេសតែងតែគិតដល់មន្ទីរពេទ្យនេះមុនគេនៅពេលពួកគេឈឺ។
លោកបន្តថា “មានការគ្រប់គ្រងល្អគ្មានបញ្ហានោះទេ តែពេលមានបញ្ហាកើតទ្បើងគឺពេលចុះសិក្សាយើងតែងតែរកឃើញចំណុចខ្វះខាតរបស់គ្រូពេទ្យ ព្រោះបញ្ហារបស់វិស័យសុខាភិបាលនាពេលនេះ គឺតែងតែពាក់ព័ន្ឋនឹងឥរិយាបទរបស់គ្រូពេទ្យ ទាក់ទងនឹងសមត្ថភាពថែរទាំព្យាបាលជំងឺ”។
លោកបន្តថា“សមត្ថភាពមានកម្រិតរបស់គ្រូពេទ្យវាមិនមានបញ្ហានោះទេ អ្វីដែលសំខាន់ថា តើគ្រូពេទ្យនោះសម្រេចចិត្តព្យាបាលខ្លួនឯង ឬបញ្ជូនទៅគ្រូពេទ្យដែលមានជំនាញពិតប្រាកដឬអត់”។
លោករដ្ឋមន្ត្រី ម៉ម ប៊ុនហេងបានបន្តថាឥរិយាបទនៃការថែរទាំព្យាបាល គឺជាបញ្ហារបស់គ្រូពេទ្យសព្វថ្ងៃនេះហើយបើគុណភាពនៃការព្យាបាល ជាការបារម្ភរបស់នាយកមន្ទីរពេទ្យវានឹងមិនមានបញ្ហានោះទេ បើនោះជាការបារម្ភរបស់នាយកគ្រប់គ្រងមន្ទីរពេទ្យ តែបើគុណភាពនៃការថែរទាំព្យាបាលមិនមែនជាការបារម្ភរបស់នាយកមន្ទីរពេទ្យនោះហើយជាបញ្ហា។
ទិវាវិជ្ជសាស្ត្រ-សល្យសាស្ត្រលើកទី១៩របស់មន្ទីរពេទ្យកាល់ម៉ែត ដែលបើកនាថ្ងៃនេះពិតជាមានសារៈសំខាន់ដោយបានបញ្ជាក់នូវសាមគ្គីភាពយ៉ាងស្អិតរមួតរវាងបណ្តាលអ្នកឯកទេសជំនាញ ដើម្បីបង្ហាញនូវប្រធានបទជាច្រើននិងពិភាគសារដកយកបទពិសោធន៍ពីគ្នាទៅវិញទៅមកលើដំដើរការជឿនលឿនតាមបច្ចេកទេសវេជ្ជសាស្ត្រក្នុងការពិនិត្យនិងព្យាបាលជំជឺទាន់បច្ចុបន្នភាពនិងជំនុញឲ្យឈានទៅរកការអភិវឌ្ឍកាន់តែប្រសើរថែមទៀត ។
លើសពីនេះចំណេះដឹងបហ់ង្ហាញជូនក្នុងទិវានេះជាទុនដ៏ប្រសើថែមទៀតសមហរាប់ឋភាតរៈរបស់យើងទាំងអស់ដែរទទួលបាននូវបច្ចេកវិជ្ជាខ្ពស់
ឆ្លើយតបទៅនឹងការរីកចម្រើនសម្រាប់ពេលបច្ចុប្បន្ន នឹង ទៅអណាគតលើវិសយ័វេជ្ជសាស្ត្រ ។ ក្រោមការដឹកនាំដ៏ឈ្លាសវៃប្រកបដោគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាជានិច្ចកាល តែងតែយកចិត្តទុកដាក់គិតគូរជួយឧបត្ថម្ភគាំទ្រ និងផ្តល់អាទិភាពដល់វិសយ័សុខាភិបាល ៕ ដោយ ហុក វិបុល
