ខេត្តបន្ទាយមានជ័យ ៖ ឯកឧត្តមបណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជជាណាចក្រកម្ពុជា ឯកឧត្តម សួន បវរ អភិបាលខេត្តបន្ទាយមានជ័យ និង គណៈប្រតិភូអមដំណើរ សម្ពោធសមិទ្ឋផលនានាក្នុងវត្តខ្មែរពុទ្ធភូមិជាយដែនសីមារាម ព្រឹកថ្ងៃទី៧ ខែឧសភា ឆ្នាំ២០១៧ ភូមិព្រៃព្រិច សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ឯកឧត្តម សួន បវរ អភិបាលខេត្តបន្ទាយមានជ័យ បានមានប្រសាសន៍លើកឡើថា ៖ សមិទ្ឋផលនានាក្នុងវត្តខ្មែរពុទ្ធភូមិជាយដែន សីមារាម ជាសមិទ្ឋផលកើតចេញពីការដឹកនាំរបស់ព្រះសង្ឃ អាចារ្យ គណះកម្មការវត្ត និង ពុទ្ឋបរិស័ទ្ឋ សប្បុរសជនជិតឆ្ងាយ ដែលបានរួបរួមសាមគ្គីប្រកបដោយសទ្ឋា ជ្រះថ្លា និង ជាការរួមចំណែកអភិវឌ្ឍន៍ វិស័យព្រះពុទ្ឋសាសនា។
ឯកឧត្តម សួន បវរ បានបញ្ជាក់ថាៈក្នុងនាមជាក្រុមប្រឹក្សាខេត្ត គណៈអភិបាលខេត្ត កងកម្លាំងប្រដាប់អាវុធគ្រប់ប្រភេទ មន្ទីរ អង្គភាព ជុំវិញខេត្ត សូមសម្តែងនូវមោទនភាពយ៉ាងជ្រាលជ្រៅបំផុតចំពោះពុទ្ឋសាសនិកជននិងត្រូវបន្តរួមសាមគ្គីកសាងសង្គមជាតិអោយបានថ្កុំថ្កើងរុងរឿងជៀសវាងការប្រកាន់បក្សពួក ដែលអាចធ្វើអោយបាត់បង់ជំនឿ អាប់ឱនដល់តម្លៃព្រះពុទ្ឋសាសនា។
ឯកឧត្តបណ្ឌិត ហ៊ុន ម៉ាណែត បានមានប្រសាសន៍ថា តាមប្រវត្តិសាស្ត្របានបង្ហាញអោយឃេីញថា ទីវត្តអារាមបានរួមចំណែក ក្នុងការកសាងសង្គមជាតិមួយ ប្រកបដោយសីលធម៌ ចរិយាធម៌ និង ប្រកបដោយគុណធម៌ ជាទីកន្លែងដែលរក្សាទុកនូវវប្បធម៌ ប្រពៃណី ទំនៀមទម្លាប់ ដែលបុព្វបុរសខ្មែរកត់ត្រាទុកពីជំនាន់មួយទៅជំនាន់មួយ សម្រាប់មនុស្សជំនាន់ក្រោយ ។ ជាពិសេសទីវត្តអារាមជាកន្លែងបណ្តុះនូវធនធានមនុស្សដែលពោពេញដោយចំណេះដឹងទាំងផ្លូវលោក និង ផ្លូវធម៌ បានដេីរទន្ទឹមគ្នាគ្រប់កាលះទេសះ និង គ្រប់ដំណាក់កាលនៃការអភិវឌ្ឍន៍ប្រទេសជាតិគ្រប់សម័យកាល ដែលប្រកបដោយមនសិការជាតិ។
ឯកឧត្តម បណ្ឌិត បានបញ្ជាក់ថា បច្ចុប្បន្ននេះ ប្រមុខរាជរដ្ឋាភិបាលកម្ពុជាដឹកនាំដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ កម្ពុជា បានលើកតម្កើង និងទ្រទ្រង់ព្រះពុទ្ឋសាសនាស្របនឹងស្ថានភាពសង្គមជាតិ កំពុងតែរីកចម្រើន បង្កលក្ខណ:សម្បត្តិ ដល់សកម្មភាពព្រះពុទ្ឋ សាសនា ដោយផ្អែកលើមូលដ្ឋាន ថែរក្សាសាមគ្គីភាព ស្ថេរភាពនយោបាយនិងសណ្តាប់ធ្នាប់សង្គម ពេលថ្មីៗនេះ ប្រមុខរាជរដ្ឋាភិបាលបានដាក់ចេញនូវ សំណូមពរ ដល់គ្រប់វត្តអារាម ព្រះសង្ឃ មាតាបិតា ណែនាំអប់រំផ្សព្វផ្សាយ ដល់កុលបុត្រ កុលធីតា ចូលរួមលប់បំបាត់ ការចរាចរនិងការប្រេីប្រាស់គ្រឿងញៀន គ្រប់ប្រភេទ និង ផលវិបាកគ្រោះ ថ្នាក់ចរាចរ ក្នុងកំរិតទូទាំងប្រទេស។
គួរបញ្ជាក់ថា ៖ សមិទ្ឋផលនានា ដែបានសម្ពោធឆ្លងនាពេលនេះសរុបថវិការប្រមាណជាង៨៤២៥០៧ដុល្លា ៕
