ខេត្តបន្ទាយមានជ័យ៖ យោងតាមរបាយការណ៍ អ្នកគ្រូ ហ៊ត ចាន់ណា ដែលជាគ្រូបង្រៀនបានអោយដឹងថា៖ កាលដើមឡើយសាលាព្រហ្មនិមិត្តនេះ វាខ្ពស់ និងគ្មានទឹកលិចនោះទេ តែចាប់តាំងពីឆ្នាំ២០០៩កំណើន ប្រជាពលរដ្ឋកើនឡើង និងចាក់ដីជុំវិញខ្ពស់ជាង ធ្វើអោយសាលាលិចទឹកក្នុងខែវស្សា ដែលធ្វើអោយសិស្សនិងគ្រូ មិនអាចរៀននិងបង្រៀនបាន ហើយថ្នាក់ខ្លះលិចត្រឹមជង្គង់ ដោយមើលឃើញការលំបាកនេះ អ្នកគ្រូបានស្មើសុំឯកបណ្ឌិត ហ៊ុន ម៉ាណែតជួយសាងសង់ ថែម១០បន្ទប់ទៀត ក្នុងពិធីបញ្ចុះខ័ណ្ឌសីមា និង សម្ពោធសមិទ្ធផលនានា ក្នុងវត្តខ្មែរពុទ្ធភូមិជាយដែនសីមារាម នៅព្រឹកថ្ងៃទី៧ ខែមេសា ឆ្នាំ ២០១៧ ស្ថិតនៅភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ក្នុងឱកាសនេះ ឯកឧត្តម បណ្ឌិត ហ៊ុន ម៉ាណែត បានមានប្រសាសន៍ថា៖ ការស្នើរសុំ ជួយសាងសង់ ថែម១០បន្ទប់ទៀត សាលាបឋមនិងអនុវិទ្យាល័យព្រហ្មនិមិត្ត ស្ថិតនៅក្នុងភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាផ្តល់ អាគារបីជាន់ ស្មើនិង៣០បន្ទប់និងទីចាត់ការ៣បន្ទប់ និងត្រូវសាងសង់ក្នុងរយ:ពេលដ៏ខ្លីខាងមុខនេះ។ សម្តេចអគ្គសេនាបតីតេជោ ហ៊ុន សែន ដែលតែងតែយកចិត្តទុកដាក់គិតគូរពីជីវភាពប្រជាពលរដ្ឋ ដែលជួបការលំបាក ជាពិសេសប្អូនៗសិស្សានុសិស្សដែលជាទំពាំងស្នងឫស្សី ដែលកំពង់ខ្វះខាតអាគារសិក្សា និងជូនតាមអោយលើសពីសុំណើរដែលលោកគ្រូអ្នកគ្រូបានស្មើសុំនាពេលនេះ។
លោកគ្រូ អ្នកគ្រូ និងមាតាបីតាសិស្សានុសិស្ស ទាំងអស់ សូមថ្លែងអំណរគុណចំពោះ សម្តេចអគ្គសេនាបតីតេជោរហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សូមសម្តេចមានសុខភាពល្អបរិបូណ៍ ប្រាជ្ញាឈ្លាសវៃ និងបំពេញការងារបានជោគជ័យគ្រប់ភារកិច្ច៕
