អ្នកសារព័ត៌មានជាតិជាង២០០នាក់ចូលជួបសម្លែងការអបអរសារ ឯកឧត្តម ខៀវ កាញារីទ្ធ ជូនពរឆ្នាំថ្មី ឆ្នាំខាល ឆ្នាំ២០២២ និង ក្នុងឱកាស់ដែល ឯកឧត្តម រដ្ឋមន្ត្រី ទទួលបាន បត្របណ្ឌិតកិត្តិយស គរុកោសល្យសារព័ត៌មានមនុស្សសាស្ត្រ និងសង្គមសាស្ត្រ ពីសាកលវិទ្យាល័យ រ៉ាច្ចមុងឃុន តិចណូឡូជី ប្រាណាខន នៃព្រះរាជាណាចក្រថៃ និងប្រទានដោយផ្ទាល់ពី ព្រះអង្គម្ចាស់ក្សត្រីយ៍ មហាចក្រី សិរិនថន
ភ្នំពេញ : សមាគមអ្នកសារព័ត៌មានអេឡិចត្រូនិក អឹម អេស ជេ នាព្រឹកថ្ងៃទី០៦ ខែមេសា ឆ្នាំ២០២២ នៅសាលប្រជុំក្រសួងព័ត៌មាន ឯកឧត្តមខៀវ កញារីទ្ធ ដែលដឹកនាំដោយឯកឧត្តម ម៉េង សោភ័ណ្ឌ ប្រធានសមាគមអ្នកសារព័ត៌មានជាតិជាង២០០នាក់ចូលជួបសម្លែងការសូមអបអរសាទរគោរពជូនឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ក្នុងឱកាសដែល ឯកឧត្តម ទទួលបានសញ្ញាបត្របណ្ឌិតកិត្តិយស គរុកោសល្យសារព័ត៌មានមនុស្សសាស្ត្រ និងសង្គមសាស្ត្រ ពីសាកលវិទ្យាល័យ រ៉ាច្ចមុងឃុន តិចណូឡូជី ប្រាណាខន នៃព្រះរាជាណាចក្រថៃ។
ឯកឧត្តម ម៉េង សោភ័ណ្ឌ ប្រធានសមាគមអ្នកសារព័ត៌មានជាតិជាង២០០នាក់
សូមគោរពជូន ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន
ឯកឧត្តម រដ្ឋមន្ត្រី ជាទីគោរពដ៏ខ្ពង់ខ្ពស់!
យើងខ្ញុំជា ថ្នាក់ដឹកនាំ សមាជិក សមាជិកា ឯកឧត្តម ម៉េង សោភ័ណ្ឌ ប្រធាន
សមាគមអ្នកសារព័ត៌មានព័ត៌មានអេឡិចត្រូនិក អឹម អេស ជេ
សូម ចូលរួមអបអរសាទរយ៉ាងក្រៃលែងចំពោះ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ក្នុងឱកាស ដែល ឯកឧត្តម រដ្ឋមន្ត្រី ទទួលបាន បត្របណ្ឌិតកិត្តិយស គរុកោសល្យសារព័ត៌មានមនុស្សសាស្ត្រ និងសង្គមសាស្ត្រ ពីសាកលវិទ្យាល័យ រ៉ាច្ចមុងឃុន តិចណូឡូជី ប្រាណាខន នៃព្រះរាជាណាចក្រថៃ និងប្រទានដោយផ្ទាល់ពី ព្រះអង្គម្ចាស់ក្សត្រីយ៍ មហាចក្រី សិរិនថន។
ការទទួលសញ្ញាបត្រនេះ គឺជាកិត្តិយសដ៏ឧត្តុងឧត្តម និងជាសក្ខីភាពទទួលស្គាល់នូវគុណបំណាច់ ដ៏ធំធេងរបស់ ឯកឧត្តម រដ្ឋមន្ត្រី ដែលបានរួមចំណែកជាមួយរាជរដ្ឋាភិបាលកម្ពុជា ក្នុងការដឹកនាំវិស័យ ព័ត៌មាននិងការផ្សព្វផ្សាយនៅកម្ពុជា។
ក្នុងឱកាសដ៏ប្រសើរថ្លៃថ្លាបំផុតនេះ យើងខ្ញុំទាំងអស់គ្នា សូមគោរពជូនពរ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវ សូមទទួលបាននូវសុខភាពល្អ អាយុយឺនយូរ និងសូមប្រកបដោយពុទ្ធពរ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូម ឯកឧត្តម រដ្ឋមន្ត្រី មេត្តាទទួលនូវសេចក្តីគោរពស្រឡាញ់ដ៏ជ្រាលជ្រៅអំពីយើងខ្ញុំទាំងអស់គ្នា។
នៅក្នុងពិធីសំណេះសំណាលការងារជាមួយសមាជិក សមាជិកាសមាគមសារព័ត៌មានអេឡិចត្រូនិក អឹម អេស ជេ នាព្រឹកថ្ងៃទី០៦ ខែមេសា ឆ្នាំ២០២២នេះផងដែរ ឯកឧត្តមខៀវ កញារីទ្ធ បានមានប្រសាសន៍ ណែនាំដល់សមាជិកសមាគមថា៖ក្រមសីលធម៌និងវិជ្ជាជីវៈសារព័ត៌មាន គឺជាអាវក្រោះរបស់អ្នកកាសែត។
ពិធីសំណេះសំណាលមួយនេះ មានចាងហ្វាងនិងអ្នកយកសារព័ត៌ បានលើកឡើងជាសំណូមពរនិងចម្ងល់មួយចំនួនសុំឲ្យឯកឧត្តមរដ្ឋមន្ត្រីជួយអន្តរាគមន៍ និងបកស្រាយសំណួរ មានដូចជាសុំកុំឲ្យមានការយកពន្ធចំពោះអ្នកសារព័ត៌មាន សុំឲ្យមន្ទីរ អង្គភាពជួយផ្តល់ព័ត៌មានតាមការស្នើសុំរបស់អ្នកកាសែតផង ចំណែកចំពោះកាត អ្នកកាសែត ដែលប្រធានអង្គភាពចេញឲ្យប្រើប្រាស់សុំឲ្យស្ថាប័នរដ្ឋាPibalទទួលស្គាល់ផង មិនមែនកាតចេញពីក្រសួង ទើបទទួលស្គាល់ រីឯរាល់បទ ល្មើសដែលកាសែតរាយការណ៍ទៅ គឺសមត្ថកិច្ចមិនសូវយកចិត្តទុកដាក់ចាត់វិធានការផ្លូវច្បាប់។
ចំពោះសំណួរ និងសំណូមពរខាងលើលោក ផុស សុវណ្ណ ប្រតិភូរាជរដ្ឋាភិបាលទទួលបន្ទុកអគ្គនាយកនៃអគ្គនាយកដ្ឋានព័ត៌មាន និងសោតទស្សន៍ បានរបកស្រាយចំណុចមួយចំនួនក្រៅពីនោះឯកឧត្តម ខៀវ កញារីទ្ធ បានបញ្ជាក់ថាធ្វើជាអ្នកកាសែតត្រូវអនុវត្តតាមក្រមសីលធម៌ វិជ្ជាជីៈឲ្យបានច្បាស់លាស់ និងមានសាមគ្គីភាពរវាងអ្នកកាសែតដូចគ្នា ព្រោះវាជាអាវក្រោះ
សម្រាប់ការពារអ្នកប្រកបវិជ្ជាជីវៈដូចគ្នា។
ឯកឧត្តមរដ្ឋមន្ត្រីបានណែនាំទៀតថា «ជាអ្នកកាសែតត្រូវមានចំណេះដឹង កុំសរសេរព័ត៌មានមិនពិត ព័ត៌មានក្លែងក្លាយបំពុលសង្គម កុំសរសេរសទៅជាខ្មៅ ខ្មៅទៅជាស។ ជាអ្នកកាសែតមិនមែនជាកាត់ក្តីឲ្យអ្នកណាឈ្នះ អ្នកណាចាញ់ទេព្រោះយើងមិនមែនជាអាជ្ញាធរ ឬជាសមត្ថកិច្ចទេ។ យកល្អអង្គភាពសារព័ត៌មានធំៗ មានសមាជិកច្រើននាក់គួរមានមេធាវីម្នាក់ជួយជាយោបល់ពេលសមាជិកណាម្នាក់ឬច្រើននាក់មានបញ្ហាជាយថាហេតុ»។
ឯកឧត្តមរដ្ឋមន្ត្រីបានសង្កត់ធ្ងន់ថា មន្ទីរអង្គភាពនានា មិនមានសិទ្ធិប្តឹងអ្នកកាសែតក្រោយពេលគេសរសេរសុំទោសរួច គឺតាមច្បាប់មុនប្តឹងសុំឲ្យអ្នកកាសែតរូបនោះ សុំកែតម្រូវ ឬទោសជាសាធារណះ បើគេមិនសុំទោសឫកែតម្រូវទេ ទើបអាចប្តឹងអ្នកកាសែតបាន។
ចំពោះអ្នកកាសែត ដែលសរសេរបរិហារកេ្តរិ៍អ្នកដទៃ ឬថ្នាក់ដឹកនាំមន្ទីរ អង្គភាពនានាមិនអាចជួយបានទេ ព្រោះជាបទល្មើសព្រហ្មទណ្ឌគេអាចប្តឹងយើងបាន។
ក្នុងឪកាសនេះ លោកបណ្ឌិត ម៉េង សុភ័ណ អគ្គនាយកសមាគមសារព័ត៌មានអេឡិចត្រូនិក អឹម អេសជេ បាអានរបាយការណ៍បូកសរុបការងារឆ្នាំ២០២១ និងលើទិសដៅការងារសម្រាប់ឆ្នាំ២០២២ ដោយបានបញ្ជាក់ថា នាបណ្តាឆ្នាំកន្លងមកនេះ សមាគមបានចែករំលែកបទពិសោធន៍ការងារដល់សមាជិក និងជួយដោះស្រាយបញ្ហាប្រឈមផ្សេងៗ ដែលសមាជិកបានជួបប្រទះក្នុងពេលបំពេញវិជ្ជាជីវះបម្រើមហាជន ដោយមិនប្រកាន់និន្នាការនយោបាយ ឬអ្នកកាសែតមិនមែនជាសមាជិកសមាគមក៏
បានជួយដោះស្រាយបញ្ហាផ្លូវច្បា ប់ដែលពួកគាត់បានជួបប្រទះ ជាពិសេសរងការចោទប្រកាន់និងត្រូវតុលាការឃុំខ្លួនពីបទព្រហ្មទណ្ឌ។
ក្រៅពីជួយអ្នកសារព័ត៌មានសមាគមក៏បានចូលរួមចំណែកជាមួយរារដ្ឋាភិបាលដើម្បីកាត់បន្ថយការលំបាករបស់ប្រជាពលរដ្ឋនៅតាមតំបន់ឆ្ងាយដាច់ស្រយាលមួយចំនួនតាមរយះសកម្មភាពមនុស្សធម៌ដោយសមាគមជួយផ្តល់ជាជំនួយមានគ្រឿងឧបភោគ និងបរិភោគដល់ជនចាស់ជរាទីទ័លក្រនៅក្នុងខេត្តមួយចំនួនដូចជាខេត្តព្រៃវែង កំពង់ឆ្នាំង បាត់ដំបង បន្ទាយមានជ័យនិងខេត្តកោះកុង៕
