ឯកឧត្ដម ណុប ដារ៉ា អភិបាលរង នៃគណៈអភិបាលខេត្តកណ្ដាល តំណាងឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានអញ្ជើញទទួល ឯកឧត្ដម ង្វៀន វ៉ាន់យ៉ាញ់ អនុប្រធានគណៈកម្មការប្រជាជនខេត្តប៊ិញយឿង នៃសាធារណរដ្ឋសង្គមនិយមវៀតណាម
ខេត្តកណ្ដាល ៖ ព្រឹកថ្ងៃទី០៥ ខែមេសា ឆ្នាំ២០២២ ឯកឧត្ដម ណុប ដារ៉ា អភិបាលរង នៃគណៈអភិបាលខេត្តកណ្ដាល តំណាងឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានអញ្ជើញទទួល ឯកឧត្ដម ង្វៀន វ៉ាន់យ៉ាញ់ អនុប្រធានគណៈកម្មការប្រជាជនខេត្តប៊ិញយឿង នៃសាធារណរដ្ឋសង្គមនិយមវៀតណាម នៅច្រកទ្វារព្រំដែនអន្តរជាតិបាវិត-ម៉ុកបាយ ដើម្បីមកជូនពរថ្នាក់ដឹកនាំរដ្ឋបាលខេត្តកណ្ដាល មន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋទូទាំងខេត្តកណ្ដាល ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងខិតជិតមកដល់នាពេលខាងមុខនេះ ។
ឯកឧត្ដម ណុប ដារ៉ា អភិបាលរងខេត្តកណ្តាល មានប្រសាសន៍ថា ប្រទេសកម្ពុជា និងប្រទេសវៀតណាម មិនថាស្ថិតក្នុងកាលៈទេសៈយ៉ាងណាក៏ដោយ ក៏កម្ពុជា-វៀតណាមនិយាយជារួម និង ខេត្តកណ្តាល-ខេត្តប៊ិញយឿងនិយាយដោយឡែក តែងតែនៅក្បែរគ្នា និងជួយគ្នាទៅវិញទៅមក ក្នុងស្មារតីទទួលខុសត្រូវ និងឆន្ទៈអំពីចំណងទាក់ទង ភូមិផងល្អ មិត្តភាពប្រពៃណី កិច្ចសហប្រតិបត្តិការលើគ្រប់វិស័យ ស្ថិតស្ថេរយូរអង្វែង ។ ឯកឧត្តម បានថ្លែងអំណរគុណគណៈប្រតិភូខេត្តប៊ិញយឿង និងបានពាំនាំការផ្តាំផ្ញើសាកសួរសុខទុក្ខពីសំណាក់ឯកឧត្តម គង់ សោភ័ណ្ឌ អភិបាលខេត្ត ជូនចំពោះ ឯកឧត្តម វ៉ វ៉ាំងមិញ ប្រធានគណៈកម្មការប្រជាជនខេត្តប៊ិញយឿង នៃសាធារណរដ្ឋសង្គមនិយមវៀតណាម។
