ខេត្តកណ្តាល ៖ នៅព្រឹកថ្ងៃទី ២៩ ខែ មេសា ឆ្នាំ២០១៧នេះ ឯកឧត្តម ម៉ៅ ភិរុណ អភិបាលនៃគណៈអភិបាលខេត្ត កណ្តាល រួមជាមួយ ឯកឧត្តម កែវ បេងវឌ្ឍន៍ អនុប្រធានក្រុមការងារថ្នាក់ជាតិចុះជួយមូលដ្ឋានស្រុកល្វាឯម និងជាប្រធានក្រុមការងារចុះមូលដ្ឋានឃុំទឹកឃ្លាំង បានអញ្ជើញជាអធិបតីក្នុងពិធីបើកការដ្ឋានផ្លូវបេតុងប្រវែង ៤៥០០ម៉ែត្រ ស្ថិតនៅក្នុងឃុំទឹកឃ្លាំង ស្រុកល្វាឯម ខេត្តកណ្តាល។
នៅក្នុងឱកាសនោះផងដែល់សមាសភាពអញ្ជើញចូលរួមមាន៖ ឯកឧត្តម លោកជំទាវ សមាជិក ក្រុមប្រឹក្សាខេត្ត អភិបាលរងខេត្ត លោក លោកស្រីប្រធានមន្ទីរ អង្គភាពជុំវិញខេត្ត ក្រុមប្រឹក្សា អភិបាលស្រុក មន្ត្រីជំនាញជុំវិញស្រុក ក្រុមប្រឹក្សាឃុំ មន្ត្រីភូមិ និងប្រជាពលរដ្ឋសរុបចំនួន ៥៥០ នាក់។
ក្នុងឱកាសនេះផងដែរ ឯកឧត្តម មៅ ភិរុណបានផ្តាំផ្ញើដល់អាជ្ញាធរពាក់ព័ន្ធត្រូវខិតខំបម្រើសេវាជូនប្រជាពលរដ្ឋ ជាពិសេសគឺការផ្តល់សេវាអត្រានុកូលដ្ឋានផ្សេងៗ ដោយគោរពឲ្យបាននូវពេលវេលា តម្លៃសេវា ទៅតាមការកំណត់របស់ច្បាប់និងសូមអំពាវនាវដល់ប្រជាពលរដ្ឋ និងអ្នកប្រើប្រាស់ផ្លូវទាំងអស់គ្នាចូលរួមគោរពច្បាប់ផ្លូវថ្នល់ និងច្បាប់ចរាចរណ៍ផ្លូវគោក មានសុជីវធម៌ក្នុងការបើកបរ បើកបរចេះយល់យោគអធ្យាស្រ័យគ្នាទៅវិញទៅមក។និងត្រូវយកចិត្តទុកដាក់ទាំងអស់គ្នា គឺការទប់ស្កាត់ការរីករាលដាលនៃគ្រឿងញៀននៅមូលដ្ឋានភូមិ-សង្កាត់ របស់យើងត្រូវយកចិត្តទុកដាក់ទាំងអស់គ្នា គឺការទប់ស្កាត់ការលេងល្បែងស៊ីងសងខុសច្បាប់ផ្សេងៗ និងចៀសអោយឆ្ងាយនូវការប្រព្រឹត្តល្បែងស៊ីសងគ្រប់ប្រភេទ។
ត្រូវចូលរួមទប់ស្កាត់នូវបទល្មើvសគ្រប់ប្រភេទ ពិសេសបទល្មើសនេសាទ។ ឯកឧត្តមគណៈអធិបតីបានឧបត្ថម្ភ សម្រាប់រៀបចំកម្មវិធី ១ លានរៀល កងកម្លាំងនគរបាលស្រុកថវិកា ៥០ ម៉ឺនរៀល កងរាជអាវុធហត្ថស្រុក ថវិកា ៣០ ម៉ឺនរៀល តំបន់ប្រតិបត្តិការសឹករង ថវិកា ២០ ម៉ឺនរៀល
B
សាលាស្រុកល្វាឯមថវិកា ៥០ ម៉ឺនរៀល កម្លាំងប្រជាការពារថវិកា ៣៦ម៉ឺនរៀល ប្រជាពលរដ្ឋចូលរួមចំនួន ៥០០ នាក់ ក្នុងម្នាក់ៗទទួលបានថវិកា ១ម៉ឺនរៀល សរុបអស់ថវិកា ៥ លានរៀល ៕
