កំពត ៖ សមត្ថកិច្ចនៃអធិការដ្ឋាននគរបាលស្រុកបន្ទាយមាសកាលពីថ្ងៃទី២៨ខែមេសា ឆ្នាំ២០១៧បានឃាត់ខ្លួនក្រុមក្មេងសង្ស័យចំនួន១៥នាក់ដែលបង្កការអុកឡុកធ្វើឲ្យបាត់បង់សណ្តាប់ធ្នាប់សង្គម ដោយក្រុមក្មេងខាងលើបានប្រើកាំបិត ដាវ ជាអាវុធដេញកាប់គេឯង បង្កការភ័យខ្លាចដល់មហាជន។
ករណីនេះបានកើតឡើងនៅចំណុចមុខវិទ្យាល័យទូកមាស ស្ថិតក្នុងភូមិទូកមាស ឃុំទូកមាសខាងលិច ស្រុកបន្ទាយមាស ខេត្តកំពត។ជាមួយនឹងការឃាត់ខ្លួននេះសមត្ថកិច្ចក៏បានដកហូតវត្ថុតាង កាំបិត ដាវចំនួន៦ដើមផងដែរ។
ទាក់ទងនឹងប្រតិបតិ្តការបង្ក្រាបក្មេងទំនើងខាងលើ សមត្ថកិច្ចស្រុកបន្ទាយមាសបានប្រាប់ឲ្យដឹងថា ក្រុមក្មេងបង្កអុកឡុកដែលបង្ក្រាបចំនួន១៥នាក់នោះរួមមាន៖ទី១.ឈ្មោះ ទ្រី លីអៀង ភេទប្រុស អាយុ១៨ឆ្នាំ រស់នៅភូមិល័ក្ខជា ឃុំព្រែកក្រឹស ស្រុកកំពង់ត្រាច ខេត្តកំពត។ទី២.ឈ្មោះ ខែមវិចិត្រ ភេទប្រុស អាយុ១៨ឆ្នាំ ទី៣ ឈ្មោះ នាង សាវីវិច្ឆិកា ភេទប្រុស អាយុ១៨ឆ្នាំ ទាំង២នាក់នេះ រស់នៅក្នុងភូមិច្រនៀងទេ ឃុំភ្នំប្រាសាទ ស្រុកកំពង់ត្រាច ខេត្តកំពត ទី៤.ឈ្មោះ ឈឿន ជាលៀង ភេទប្រុស អាយុ១៧ឆ្នាំ ទី៥.ឈ្មោះ វើយ សុីពោល ភេទប្រុស អាយុ១៧ឆ្នាំ ទី៦.ឈ្មោះ វ៉ាង សុខនី ភេទប្រុស អាយុ១៧ឆ្នាំ ទី៧.ឈ្មោះ ស៊ូ មឿន ភេទប្រុស អាយុ១៧ឆ្នាំ ទី៨.ឈ្មោះ ពុត ភារម្យ ភេទប្រុស អាយុ១៧ឆ្នាំ ប្រាំនាក់នេះមានទីលំនៅក្នុងឃុំអង្គសុរភី ស្រុកកំពង់ត្រាច ខេត្តកំពត ទី៩.ឈ្មោះ ម៉ាង ម៉ៅ ភេទប្រុស អាយុ១៧ឆ្នាំ ទី១០.ឈ្មោះ ញឹម សម្បតិ្ត ភេទប្រុស អាយុ១៦ឆ្នាំ ទី១១.ឈ្មោះ សៀន ស៊ាងលី ភេទប្រុស អាយុ១៧ឆ្នាំ បីនាក់នេះរស់នៅក្នុងភូមិព្រៃទន្លេ ឃុំព្រៃទន្លេ ស្រុកបន្ទាយមាស ខេត្តកំពត ទី១២.ឈ្មោះ រិន សុលាភ ភេទប្រុស អាយុ១៧ឆ្នាំ ១៣.ឈ្មោះ អ៊ឹង សីហា ភេទប្រុស អាយុ១៧ឆ្នាំ ទាំងពីរនាក់រស់នៅក្នុងភូមិដើមពោធិ ឃុំអង្គសុរភី ស្រុកកំពង់ត្រាច ខេត្តកំពត ១៤.ឈ្មោះ អិុន សុផារ៉ាន់ ភេទប្រុស អាយុ១៧ឆ្នាំ រស់នៅភូមិឃ្លាំងខាងត្បូង ឃំុភ្នំប្រាសាទ ស្រុកកំពង់ត្រាច ខេត្តកំពត និងទី១៥.ឈ្មោះ ហ៊ាង សារ៉ាន់ ភេទស្រី អាយុ១៧ឆ្នាំ មានទីលំនៅ ភូមិឫស្សីស្រុក ឃុំឫស្សីស្រុកខាងលិច ស្រុកកំពង់ត្រាច ខេត្តកំពត។
បច្ចុប្បន្នក្រុមក្មេងសង្ស័យទាំង១៥នាក់រួមនិងវត្ថុតាងកាំបិត ដាវ ត្រូវបានសមត្ថកិច្ចស្រុកបន្ទាយមាសធ្វើកំណត់ហេតុ បញ្ជូនទៅស្នងការដ្ឋាននគរបាលខេត្តកំពតដើម្បីចាត់វិធានការតាមនីតិវិធីហើយ ៕
ណារិទ្ធ
