ភ្នំពេញ ៖ កាលពីរសៀលថ្ងៃអាទិត្យ ១២រោច ខែចែត្រ ឆ្នាំរកា នព្វស័ក ព.ស.២៥៦០ ត្រូវនឹងថ្ងៃទី២៣ ខែមេសា ឆ្នាំ២០១៧ស្ថិតនៅក្នុងវត្តវិមានតេជះ ហៅ ស្រះចក ក្រោមការដឹកនាំរបស់សម្តេចព្រះឧត្តមចរិយាបណ្ឌិត ឈឹង ប៊ុនឈាង សមាជិកថេរសភា ព្រះអគ្គាធិការរងពុទ្ធិកសិក្សាជាតិនិងជាចៅអធិការវត្ត វិមានតេជៈបានធ្វើពិធីផ្តល់អំណោយទេយ្យវត្ថុទានសម្ភារ:ជូនដល់កាកបាទក្រហម ក្នុងនោះមានសាខាកាកបាទក្រហមខេត្តកណ្តាលនិងអនុសាខាកាកបាទក្រហមខណ្ឌដូនពេញ សរុបទាំងសម្ភារ:ទាំងថវិកាចំនួន ២៥.០៨៦.៣០០រៀល (ម្ភៃប្រាំលានសូនសែនប្រាំបីម៉ឺនប្រាំមួយពាន់បីរយរៀល) ស្មើនឹងប្រាក់ដុល្លារ ៦ពាន់ដុល្លារ ដល់កាកបាទក្រហមកម្ពុជា ដើម្បីទ្រទ្រង់សកម្មភាព មនុស្សធម៌ សម្រាប់ ឆ្នាំ២០១៧។
ក្នុងឱកាស់នេះ សម្តេច ព្រះឧត្តម ចរិយា បណ្ឌិត ឈឹង ប៊ុនឈា បានថ្លែងអំណរគុណដល់លោកជំទាវ ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងសមាជិក សមាជិកា មន្ត្រី និងបុគ្គលិកទាំងអស់ នៃកាកបាទក្រហមកម្ពុជា ដ៏ខ្ពង់ខ្ពស់បំផុត តែងតែងដឹកនាំនិងប្រោសព្រះរាជទាន ព្រះរាជទ្រព្យ ដើម្បីទ្រទ្រង់សកម្មភាពមនុស្សធម៌ របស់កាកបាទក្រហមកម្ពុជា សម្រាប់សង្គ្រោះប្រជាជនកម្ពុជា ក្រីក្រទទួលរងគ្រោះ ដោយគ្រោះមហន្តរាយផ្សេងៗ ៕
ដោយ ហុក វិបុល
