ខេត្តមណ្ឌលគិរី ៖ រថយន្តកាមរីហើម ទើបត្រឡប់មកពីដឹកឈើ អត់ងងុយ បានបុករថយន្តតាក់ស៊ីយ៉ាងពេញទំហឹង ដែលបានឈប់នៅចិញ្ចើមផ្លូវ ចុះយកប្រាក់ពីម៉ូយ ផ្ញើរទិញឥវ៉ាន់ សំណាងល្អគ្រាន់តែរបួសស្រាល ។ ករណីនេះបានបង្កឲ្យមានការភ្ញាក់ផ្អើល ទាំងព្រឹកព្រលឹម កាលពីវេលាម៉ោង ០៥ព្រឹក ថ្ងៃទី១២ ខែកុម្ភៈ ឆ្នាំ២០១៥ ត្រង់ចំណុចគីឡូម៉ែត្រ ៣៦ ស្ថិតក្នុងភូមិឆ្នែង ឃុំស្រែខ្ទុម ស្រុកកែវសីមា។
សាក្សីបានឲ្យដឹងថា រថយន្តកាមរីហើម បង្ក បើកបរមកពីណាមិនដឹងទេបានជ្រុលទៅបុក ពីមុខពេញទំហឹង ហើយអ្នកបើកបរថយន្តកាម៉ារីហើម បានចុះមកសុំទោស ម្ចាស់រថយន្តតាក់ស៊ី ព្រោះតែខ្លួនអត់ងងុយ ទើបពីមកដឹកដឹកឈើ ។
រថយន្តតាក់ស៊ី ម៉ាកសាំយ៉ុង ពណ៌ស្លែរមួយគ្រឿង តែងតែឈប់ នៅកន្លែងកើតហេតុរាល់ព្រឹក ដើម្បីទទួលប្រាក់ គេផ្ញើរទិញឥវ៉ានចាប់ហួយ ។ ប៉ុន្តែថ្ងៃនេះ មិនមិនដឹងស៊យអី ក៏ជួបរឿងអកុសលបែបនេះ ។
ក្រោយពេលកើតហេតុ សមត្ថកិច្ចមិនបាន ចុះមកធ្វើការដោះស្រាយទេ ទើបម្ចាស់រថយន្តទាំង២ ទាំងដោះស្រាយក្រៅប្រព័ន្ធច្បាប់ ដោយអូសរថយន្តទាំង២ ទៅជួសជុល ដោយម្ចាស់រថយន្តកាម៉ារីហើម ព្រមសងប្រាក់ចំនួន៧០០ ដុល្លារ ទៅអោយរថយន្តតាក់ស៊ី បញ្ចប់រឿង។
តាមការឲ្យដឹងពីប្រជាពលរដ្ឋ បានឲ្យដឹងថា មានរថយន្តដឹកឈើ នៅស្រុកកែវសីមានេះតែងបើកបរលឿនៗនិងបង្កគ្រោះថ្នាក់ចរាចរណ៍ ជារឿយៗ ដោយការបើកបរលឿនៗ និងអត់ងងុយជាដើម ហើយភាគច្រើន គឺចរចាបង់លុយបញ្ចប់រឿង ដែលហាក់មិនឲ្យតម្លៃជីវិតមនុស្សទាល់តែសោះ ៕
